за

Нарачка по руски стандарди: 100 примероци Mercedes Arocs

Заедничката компанија на Daimler Trucks и рускиот Kamaz доби голема нарачка од руската градежна компанија Партнер Груп.

На постоечките 71 камиони Mercedes-Benz во служба на компанијата, сега им се придружуваат уште 100 примероци од Mercedes-Benz Arocs 4142B.

Од април во огранокот на компанијата во Москва се предадени 30 камиони, а останатите седумдесет примероци ќе бидат испорачани во текот на годинава. Сите камиони Mercedes-Benz Arocs се опремени со телематски услуги Fleetboard. Овој систем овозможува постојан увид во возилата во возниот парк, заради анализа на ефикасноста. Возачите добија и посебна обука од специјалистите на Mercedes-Benz Trucks.

Возниот парк на Партнер Груп отсега ќе се обновува исклучиво со камиони Mercedes-Benz. Тешките работни машини се користат за транспорт на бетон до градилиштата, како и за најразлични задачи на самото градилиште. Руските градежници се решија за германските камиони и поради одличната сервисна мрежа и поддршката од производителот.

DK RUS (DAIMLER KAMAZ RUS) е заедничка компанија меѓу Daimler Trucks и рускиот партнер KAMAZ. Со повеќе од 1.000 вработени, DK RUS во последните 11 години има монтирано и продадено над 35.000 камиони Mercedes-Benz и FUSO за рускиот пазар.

Камионите за Русија се произведуваат во фабриката на Mercedes-Benz во Верт, Германија, по што одделните конструкциски групи се пакуваат како комплети CKD (Completely Knocked Down) и со контејнерски брод се испраќаат во Русија. Потоа следи монтажа на CKD-модулите во готов камион за големиот руски пазар, во погоните на DK RUS во Набережние Челни. Кабините за камионите се изработуваат локално, во истата фабрика во Русија.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Volvo го има најдоброто полугодие во историјата на марката

Mitsubishi доби нов шеф за Европа