за

Тоа е најбрзиот Mercedes: Едносед W13, троши 100 на час

Луис Хамилтон и Џорџ Расел денес ќе извозат 100 километри на Силверстоун, во првото тестирање на своето службено возило Mercedes-AMG F1 W13 E Performance.

Со влегувањето во новата ера во Формула 1, тимот на Mercedes-AMG Petronas денес го претстави своето ново тркачко возило за сезоната 2022, тоа е Mercedes-AMG F1 W13 E Performance.

Во работилниците во Бракли и Бриксфорт се работеше напорно во изминатава година и пол, поради најкрупните промени во техничките правилници што се имаат случено при преоѓање во новата генерација болиди во Формула 1. Конечниот резултат по 18 месеци напорна работа е W13, автомобил што е нов во 98 проценти.

Едноседот е развиен комплетно нов, со само неколку делови што се преземени од претходниот болид. Во кокпитот ќе биде задолжено новото возачко дуо: Седумкратниот светски првак Луис Хамилтон, и Џорџ Расел, кој по завршувањето на јуниор-програмата првпат ќе вози цела сезона за тимот, на местото на Валтери Ботас.

Во продолжение тоа што многумина сакаат да го дознаат, техничките податоци за едноседот на Mercedes-AMG за сезоната 2022:

New item by Automedia MK / Google Photos

Mercedes-AMG F1 W13 E Performance – Технички податоци

ШАСИЈА

Конструкција: Карбон и композитна саќеста структура

Каросерија: Карбон, вклучувајќи го поклопецот на моторот, страничните боксови, подот, носот, предниот спојлер и задниот спојлер

Кокпит: Отстранливо возачко седиште од анатомски обликуван карбон, безбедносен ремен со шест точки, HANS-систем

Безбедносни структури: Заштитна ќелија на кокпит со заштита од челен судир и заштита од влетување предмети, предна структура за гмечење при судир, пропишани странични структури за заштита, интегрирана задна структура, заштитен лак напред и назад, заштитен уред од титан за возач (Halo)

Водење на предни тркала: Попречни водилки од карбон, торзиски пружини (pushrod) и клацкалка

Водење на задни тркала: Попречни водилки од карбон, внатрешно поставени пружини и амортизери

Тркала: BBS од кован магнезиум, 18 инчи (претходно 13 инчи)

Гуми: Pirelli

Сопирачки : Carbone Industries Карбон / Карфбон сопирачки дискови и облоги со „brake-by-wire“ (назад)  

Сопирачки клешти: Brembo

Управување: Запчеста летва со серво поддршка и преносен механизам

Управувач: Карбонска конструкција

Електроника: ECU според стандарди на FIA, електронски систем и електрика со хомологација во FIA

Опрема: McLaren Electronic Systems (MES)

Систем за напојување со бензин: ATL со гумен мев зајакнат со кевлар 

Масти и масла: PETRONAS Tutela

ПРЕНОС НА СИЛА

Менувачка кутија: Осум степени, рикверц, куќиште на менувач од карбон

Менувач: Секвенцијален полуавтоматик со хидраулично активирање

Спојка: Карбонска ламела

ДИМЕНЗИИ

Вкупна должина: над 5.000 mm

Вкупна ширина: 2.000 mm

Вкупна висина: 970 mm

Вкупна тежина: 795 kg

ПОГОНСКА ЕДИНИЦА

Тип: Mercedes-AMG F1 M13 E Performance

Најниска дозволена тежина: 150 kg

Остав на погонската единица: Мотор со внатрешно согорување (ICE)

Единица мотор-генератор, кинетичка (MGU-K)

Единица мотор-генератор, топлина (MGU-H)

Турбополнач (TC)

Батерија (ES)

Контролна електроника (CE)

Број на единици: Три ICE, TC, MGU-K & MGU-H по возач во сезона

Две ES & CE по возач во сезона

МОТОР СО ВНАТРЕШНО СОГОРУВАЊЕ (ICE)

Работна зафатнина: 1,6 литар

Цилиндри: Шест (V6)

Агол меѓу двата реда цилиндри: 90 степени

Број на вентили: 24

Највисок број на вртежи: 15.000 U/Min

Највисок проток на бензин: 100 kg/час (над 10.500 врт./Min.)

Доток на бензин: Директно впрскување под висок притисок (max. 500 bar, една прскалка по цилиндар)

Натполнење: единечен компресор и турбина на заедничко вратило

Највисок број на вртежи на турбина: 125.000 врт./Min.

ПОВРАТОК НА ЕНЕРГИЈА (ERS)

Конструкција: Интегриран хибрид со повраток на енергија преку електрична единица мотор генератор

Батерија: Литиум јон батерија со најмалку 20 kg (пропис)

Максимално складирање енергија по круг: 4 MJ

Највисок број на вртежи на MGU-K: 50.000 врт./Min.

Највисока моќност на MGU-K: 120 kW (161 КС)

Највисок повраток на енергија по круг за MGU-K: 2 MJ

Најголемо оддавање енергија по круг за MGU-K: 4 MJ (33,3 Sek. при целосна моќност)

Највисок број на вртежи за MGU-H: 125.000 врт./Min

Највисока моќност за MGU-H: неограничена

Највисок повраток на енергија по круг за MGU-H: неограничен

Најголемо оддавање енергија по круг за MGU-H: неограничено

Бензин & средства за подмачкување 

Гориво: PETRONAS Primax (Е10, удел 10% етанол)

Средства за подмачкување: PETRONAS Syntium

New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Маки со субвенциите во Германија: Ги продаваат колите поскапо во странство

Возачите на Kia имаат најмалку проблеми со возилото, открива JD Power