за

Mercedes-AMG продава аеро-шампионски багажник за покрив

Ексклузивен багажник со зафатнина од 410 литри и врвна аеродинамичност, што во исто време се грижи и за подобрување на возните својства и не создава шумови.

Mercedes-AMG конструираше аеро-шампионски багажник за покрив

Во некои ситуации ниту најголемиот багажник не е доволно голем. На патување или на семеен викенд обично се покажуваат границите на багажниот простор. Багажник на покривот не е најспортски детал кај марка од рангот на Mercedes-AMG. Но, не значи дека возачите на брзата марка мораат да се откажуваат од багаж.

Ексклузивната марка од Афалтербах има решение за возачите што досега не ни помислуваа да постават багажник на покривот. Mercedes-AMG нуди багажник каков што досега не постоел. Покрај тоа што се внимавало посебно на естетиката, голем нагласок е поставен на аеродинамичноста.

„Делфинот“ на MercedesAMG ги поседува истите својства како и автомобилите на марката, односно се одликува со инженерска вештина, ефикасност, ексклузивност и дизајн. Вообичаено за марката со ѕвезда, багажникот мина обемно тестирање и нуди врвни вредности во поглед на аеродинамичноста, возните својства и бучавата.

Стилот на багажникот се совпаѓа со секој модел на Mercedes. Посебен детал што укажува на AMG-потеклото е дифузорот што е изведен во завршетокот на багажникот. Секако дека тој има функција, конкретно ја подобрува аеродинамичноста и ги спречува шумовите. Постои втора верзија, наменета за купе-моделите на Mercedes. Разликата е во формата на дифузорот.

Зафатнината изнесува 410 литри, се отвора од двете страни, а носивоста изнесува до 70 килограми.

New photo by Automedia MK / Google Photos

Технички податоци:

Димензии: 220 x 85 x 44 cm (Д x Ш x В)

Зафатнина: 410 литри

Носивост: max. 70 kg (доколку дозволува носивоста на покривот на моделот)

Сопствена тежина: 26 kg

Монтажа: Брзи затегнувачи

Отворање: Двострано

Почеток на продажба: Ноември 2020

Хиперавтомобилот на Mercedes-AMG наскоро во производство

 

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

BMW X2 M Mesh Edition

BMW X2 за луѓе на кои избор на боја на каросерија не им е доволен

Volvo во септември ја зголемил продажбата за 5 проценти

Volvo во септември ја зголемил продажбата за 5 проценти