за

McLaren бојадисан платинесто во чест на Кралицата Елизабета

McLarеn разви специјална боја за платинест јубилеј, во знак на 70-годишното владеење на Нејзиното Височество.

Посебната боја се совпаѓа со амблемот Елизабета Втора, што е создаден од одделението за специјални нарачки на McLaren и прикажан е на единствениот примерок од Artura, суперавтомобил со хибриден погон од најновата генерација модели на британската луксузна марка.

Во чест на 70-годишното владеење на Нејзиното Височество Кралицата Елизабета Втора, британската марка суперспортски автомобили McLaren Automotive претстави специјална боја за платинестата прослава. Заедно со бојата е претставен и амблем, со којшто се одбележуваат 18 години, откако Нејзиното Височество го отвори технолошкиот центар на McLaren во Вокинг, Сари.

Монархињата што најдолго владее со Британија е почестена со специјална платинеста сребрена боја „Platinum Jubilee“, којашто се совпаѓа со материјалите користени во специјалниот амблем што го создаде McLaren Special Operations (MSO), одделение за посебни нарачки од клиенти. Бојата и амблемот се главното обележје на единствениот примерок од McLaren Artura во оваа чест.

За амблемот се посебно изработени калап и преса. Партнерот за бои AkzoNobel испитувал најразлични услови на светло, за да избере најсоодветна комбинација на метални пигменти во бојата. Потоа следело осумдневно тестирање на издржливоста на бојата, како и на нанесувањето на истата.

New item by Automedia MK / Google Photos

Клиентите ќе можат во следниот период да ја нарачаат новата боја на каросеријата во чест на Нејзиното Височество, за моделите од понудата на благородната британска марка.

Основана во 1963 година од тркачот, инженер и бизнисмен Брус Мекларен, групацијата ја сочинуваат McLaren Automotive, каде што рачно се изработуваат суперавтомобили со лесна конструкција и од McLaren Racing, тим што се натпреварува во Формула 1 и во Индикар, каде што групацијата има мнозински удел.

Потписот на Кралицата при отворањето на центарот на McLaren во Вокинг пред 18 години

New item by Automedia MK / Google Photos

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Виетнамскиот автомобил стартува со продажба летово, цена од 43.500 евра

ЕУ не сака нови автомобили на фосилни горива по 2035 година