за

Некој подарува McLaren за Денот на вљубените…

McLaren 570S Spider Valentine

Овој McLaren 570S Spider во црвена боја е подготвен за романса на Денот на вљубените. Тој ќе ги извози своите први километри токму денес.

Изработен исклучиво рачно во „работилницата“ во Вокинг, овој McLaren 570S Spider е сон за авто-ентузијастите, со карбонската конструкција, средишно вградениот V8 и спојот од екстремни перформанси и луксуз, кој одлично му успева на овој производител пребеган од мотоспортот. Но, овој конкретен примерок од родстерот е добар и на око, а уште повеќе за срце, со најскапата црвена боја што може да се нарача од McLaren и со црвено-црн ентериер во најпедантната изработка што може да ја изведе McLaren. Сопственикот нарачал уште неколку екстра детали во црвена боја – затоа што го подготвувал автомобилот како подарок за Денот на вљубените.

Дури и гумите на овој McLaren 570S Spider имаат детали во бојата што се поврзува со Денот на вљубените

Кожа, алкантара и карбон проигруваат низ кабината. По специјална нарачка се изведени карбонските прагови, црвените безбедносни ремени, кожата на воланот, исто како и црвените сопирачки клешти или гумите Pirelli P Zero, од специјалната „колор-едиција“.

Душата на автомобилот е 3,8-литарски V8, со когошто 570S Spider спринтува до сто за 3,2 секунди, до двесте за 9,6 секунди и продолжува до 328 km/h. Со спуштен покрив, Spider ќе постигне 315 km/h. Тоа сигурно би било единствено чувство. Сигурно е единствено и чувството кога паричната противвредност за автомобилот треба да се префрли на сметката на McLaren.

[FAG id=30765]

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

dyson електрични автомобили

Производител на правосмукалки ветува три електрични автомобили

Mercedes C-Class facelift

Mercedes C-Class во поддотерано издание за салонот во Женева