за

Maserati со кралски третман: Серија Royale во само 100 примероци

Maserati limit serija Royale
Maserati limit serija Royale

Додека трае неизвесноста околу судбината на марката со богата традиција по спојувањето на Fiat и Peugeot, од Модена најавија серија од 100 примероци под името Royale. Пред четири децении, со верзија на Quattroporte со ова име беа одбележани 60 години од основањето на марката.

Quattroporte, Levante и Ghibli ќе се изработат во специјална серија од вкупно 100 примероци, именувана според најексклузивниот автомобил на Maserati. Во 1986 година, кога марката со историско седиште во Болоња одбележуваше 60 години постоење, беше изработена ексклузивна серија од Quattroporte, под името Royale. Серијата се изработи во само 51 примероци.

Quattroporte, тогаш во својата трета генерација, за оваа специјална серија беше лакиран во ексклузивна сина или зелена боја, со врвна изработка на кабината, меки кожени седишта и дрвени облоги на арматурната табла и во вратите. Моторот беше 4,9-литарски V8 со 300 КС.

Новата серија Royale е токму во чест на овој модел. Од моделите Quattroporte, Levante и Ghibli ќе се изработат вкупно 100 примероци, со слободен избор на моторот: Трилитарски дизел со 275 КС или трилитарски бензинец V6, во изведби со 350 и 430 КС.

За каросеријата може да се избира меѓу две ексклузивни бои, Blu Royale или Verde Royale. Бандажите се од 21 инчи во боја на графит кај теренецот Levante, односно во боја на титан кај лимузините Ghibli и Quattroporte. Сопирачките клешти се лакирани во сребрена боја.

New photo by Automedia MK / Google Photos
New photo by Automedia MK / Google Photos

Вистинскиот ексклузивен карактер следи во ентериерот, кој се базира врз нивото GranLusso и дополнително е облагороден со кожа со потпис на Zegna или со двобојна кожа од Pieno. Кај првата варијанта станува збор за плетена кожа што се испорачува само за Maserati.

New photo by Automedia MK / Google Photos

Плочка со серискиот број на автомобилот секако не отсуствува, исто како и врвно озвучување со печат на Bowers&Wilkins или сончев покрив. Сите можни системи за асистенција се вградени како стандард.

Испораките ќе стартуваат во март 2020, во Maserati веќе ги пополнуваат тефтерите со нарачки.

Тоа што денес можат да го изведат сите, во 1980-те беше специјалност на Maserati. Најексклузивниот автомобил од Болоња, Quattroporte Royale, еден од само 51 примероци

Posted by Automedia.mk on Friday, January 17, 2020

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Електричен Mercedes eEconic остава двојно чисто зад себе

Електричен Mercedes eEconic остава двојно чисто зад себе

протести тесла фабрика гринхајде

Едни протестираат, други поздравуваат за фабриката на Tesla во Берлин