Magna International преговара за да производува возила за кинески марки во Европа. Производителите од Кина планираат да го зајакнат своето присуство во регионот.
Производствениот погон на добавувачот Magna Steyr во Грац, Австрија, каде што под договор се произведуваат возила за големите автомобилски куќи, располага со уште слободен капацитет. Тоа го изјави претседателот на Magna Europe, Уве Гајсингер.
„Дали ќе ги произведуваме во Грац или во нова фабрика, зависи од исходот до преговоците“, кажа Гајсингер во едно интервју.
Австриско-канадскиот добавувач произведува автомобили за кинескиот пазар за BAIC, во фабриката во Кина што е заедничка инвестиција. За идните партнерства, Magna сепак ќе биде повеќе внимателна околу договорите.
Magna Steyr ја произведува и актуелната Mercedes G-Class во Грац
„Темелно ги проучуваме финансиските состојби кај кој било нов партнер за производство“, кажува директорот.
„Не очекуваме дека голем број од кинеските производители на автомобили ќе преживеат – можеби само еден од десет.“
