за

Lexus подготвува нов знаменосец со чисто електричен погон

Луксузната марка на Toyota ќе го прикаже новиот концептен автомобил на 30-ти март. Се очекува премиерата на Lexus да одекне силно на сцената.

Lexus објави неколку затемнети кадри од новиот концептен автомобил, кого што го најавува како „претставник на новата визија на марката“. Станува збор за кросовер со електричен погон и со комплетно нов дизајн на носот, како нов знак на препознавање на престижната јапонска марка.

Кога Lexus најавува концептен автомобил, треба да се очекува единствено спектакл и ништо помалку од тоа. Засега се откриваат само малку детали, или поточно, одвај дека нешто се открива околу претстојната премиера во следниот вторник, на 30-ти март. Сцената сепак ги познава манирите на Lexus и се претпоставува дека новиот концептен автомобил ќе биде приближување на претходно прикажаниот LF-30 до сериски модел.

Од тоа што скромно го прикажуваат затемнетите кадри, напред може да се забележи дека новиот концептен автомобил го следи стилот на LF-30, со широка трапезна форма во долната половина на носот, што на краевите се заоблува навнатре и преоѓа директно во големите отвори за воздух. Досега впечатливите L-светла ќе станат уште повпечатливи, како две молњи што се испреплетуваат. Горе се забележува уште еден трапез, во којшто се собираат профилираните линии од предната хауба. Детал што не пропушта да го нагласи новиот концепт е осветленото лого.

Додека предниот дел ќе биде поблага форма на носот од концептниот LF-30, страничната силуета ќе се ориентира според претходно прикажаниот концепт LF-1.

New photo by Automedia MK / Google Photos
New photo by Automedia MK / Google Photos

Lexus LF-30 Electrified

New photo by Automedia MK / Google Photos
New photo by Automedia MK / Google Photos

Lexus LF-1 Limitless

New photo by Automedia MK / Google Photos

Сосем е извесно дека концептот за крајот на март ќе користи електричен погон, впрочем исто како LF-30 Electrified. Јапонците уште тогаш имаа конкретни бројки:

  • Должина (mm) 5,090
  • Ширина (mm) 1,995
  • Висина (mm) 1,600
  • Меѓуоскино растојание (mm) 3,200
  • Тежина (kg) 2,400
  • Досег [WLTP] (km) 500
  • Капацитет на батертија (kWh) 110
  • Моќност на полнач до (kW) 150
  • забрзување 0–100 km/h acceleration (s) 3.8
  • Крајна брзина (km/h) 200
  • Максимална моќност (kW) / вртежен момент (Nm) 400/700

Изгледот и конкретни најави за почетокот на продажбата на серискиот модел што е сосем извесно дека ќе произлезе од новиот концептен автомобил ќе бидат познати веќе во следната недела.

>>> Lexus LF-30 или зошто Јапонците не мислат да се откажат од авто-салоните

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

kia xceed Во Европа постојат 298 автомобилски фабрики

Автомобили произведуват 40 држави, кои се најголеми производители?

Cupra најавува спортски СУВ на струја за 2024 година