за ,

Lexus ќе претстави ново купе на салонот во Токио

Тоа што престижната марка на Toyota го најавуваше со неколкуте концептни возила ќе стане реалност во Токио – купе со ознака RC, со динамична нота во дизајнот и со напредна технологија.

Премиерата на новото купе на Lexus ќе се одржи на салонот во Токио на 20-ти ноември, со двете моделски изведби: RC 350 со мотор V6 од 3,5 литри и RC 300h со хибриден погон и 2,5-литарски мотор. Со динамичниот изглед и со досега најагресивната изведба на трапезовидната маска на Lexus, купето RC има мисија да привлече нова публика во марката, на која емотивниот набој во дизајнот и е подеднакво важен како традиционалните вредности на Lexus во квалитетот, префинетоста и издржливоста.

Триаголните светла ја следат идејата на концептот LF-LC, како со формата, така и со функцијата. Кога е вклучено собореното светло, свелечките диоди ја формираат буквата L, како асоцијација на Lexus. Истото се случува и кај задните светла. Изгледот на бандажите исто така е пренесен од концептниот автомобил. Овие може да бидат со 10 или 5 краци, со пречник од 19, односно 18 инчи, во обата случаи со дизајн што укажува на прецизната изработка на возилото. Новитет е и повеќеслојното лакирање на каросеријата, кое што произведува повисок сјај и поголем контраст на сенки.

Кокпитот на купето RC е инспириран од спортските концепти на Lexus, со контрастни бои, материјали и осветлување. Иновација е амбиенталното осветлување, кое за разлика од досега не го осветлува ентериерот надолу, туку нагоре. Престижна нота во кокпитот внесуваат украсните панели од дрво шимамоку, изработени во повеќе слоеви и типично педантно за јапонската занаетчиска школа.

 

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Европа на педали: Велосипедите ги победија автомобилите

Toyota GT86 како купе лимузина со премиера во Дубаи