за

Звучници Lamborghini се изработени од карбон и чинат колку Golf

Силниот имиџ на автомобилските марки може да биде мошне делотворен за остварување необични идеи. На пример, звучници што изгледаат како опаш на Aventador. И не е сé во изгледот.

Изгледот на оваа чудна направа, што може комотно да се вклопи во амбиентот на дневниот салон, потсеќа непогрешливо на Lamborghini. Поточно, изгледот потсеќа на опаш на Aventador и на генерации модели од Сант Агата. Направата е докинг станица со име Esavox и доволно е да се додаде мобилен телефон, за таа да почне да пушта звуци, производ е на iXoost и во изработката се користат истите техники како за Lambo. Соодветно на тоа се движат и цените.

Докинг станицата Esavox е инспирирана од највпечатливите детали во изгледот на суперспортските автомобили на Lamborghini. Монокок куќиштето е од карбон и печено е во автоклава под притисок од 6 бари, исто како основниот дел на каросериската структура на Lambo. Уредот поседува и оригинален издувен систем од италијанските автомобили, на којшто му е додаден варијабилен отвор, којшто служи за регулирање на притисокот што се создава во сабвуферот. Се користи пасивна амортизација за вибрации, плус целата станица е поставена на керамички држачи во форма на конус што се местат по висина. Карбонот и бројни оригинални делови од автомобилите на една од најценетите марки во светот, соединети во докинг станица што дополнително нуди и беспрекорен звук.

Ексклузивниот аудио уред со голем шоу ефект, изработен е во соработка со iXoost, италијанска компанија што во своето портфолио нуди уште неколку необични и прескапи звучнички системи.

Секако дека изработката е 100% рачна и дело е на врвни занаетчии.

Основни технички податоци · iXoost EsaVox Lamborghini

New item by Automedia MK / Google Photos

Виртуелен систем 6.1-Surround

Bluetooth® 4.0

Аналоген влез

aptX® decoding

DSP 24 bit ADC/DAC OUTPUT- 800 W

Димензии 125 cm x 65 cm x 50 cm

Тежина ca. 53 kg

  • Произведено во Италија
  • Опремено со оригинално копче за старт на Lamborghini
  • Опремено со оригинална декла за издувниот систем на Lamborghini
  • Се нуди во четири бои: Црвена, жолта, портокалова, црна

„Најзабавниот“ дел … Цена: 24.278,00 €

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Toyota GR Corolla: Од дома право на трка

Норвешка за три месеци регистрирала нови 26.800 електрични автомобили