за

Kia продала над четвртина милион автомобили во јуни

За една петина е зголемена продажбата на Kia во јуни, со вкупно 253.592 возила. Околу бестселерот нема двоумење, тоа и натаму е Sportage.

Kia во јануари ја зголемила продажбата за 2,5 проценти

Повеќе од една четвртина милион автомобили од марката Kia се продадени на светскиот пазар во минатиот месец. Растот од 20,2% ќе беше уште повпечатлив, доколку немаше пад од 17,9% на корејскиот пазар. Надвор од Кореја се продадени 204.312 возила или за 35,4% повеќе од истиот месец лани.

Корпорацијата Kia во јуни продала 253.592 возила на светскиот пазар, за 20,2% повеќе во споредба со ланскиот јуни. Продажбата ја предводат СУВ-моделите Sportage и Seltos, соодветно со 30.906 и 24.680 примероци. Веднаш до нив е компактната лимузина K3, со продадени 24.639 примероци во јуни.

Продажбата надвор од Кореја постигна раст од 35,4 проценти, со вкупно 204.312 продадени возила. За големиот раст се заслужни најмногу СУВ-моделите Sportage и Seltos. Растеше и продажбата на компактните лимузини K3 и Rio. Позитивниот тренд во продажбата се должи на закрепнувањето на главните автомобилски пазари од последиците од пандемијата.

На домашниот, корејскиот пазар, во минатиот месец биле пласирани 49.280 возила, што претставува пад од 17,9 проценти во споредба со јуни лани. Најпродавани модели на Kia на домашниот пазар се кросовер-миниванот Carnival, како и новата генерација на луксузниот СУВ-модел Sorento.

Луксузниот СУВ-модел Sorento e втор најпродаван модел на Kia на корејскиот пазар, по кросовер-ванот Carnival

Во следните месеци се очекува новата генерација на Sportage да внесе уште посилен поттик во продажбата, а секако дека е тука и првиот електричен модел од новата генерација, кој е развиен само за погон на струја, Kia EV6.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Батерија од 420 kWh и електромотор од 400 kW за Mercedes eActros

BMW започнува со производство на Gran Coupe од серијата 4