Снимки од безбедносни камери потврдија дека поранешниот шеф на Renault-Nissan навистина побегнал од Јапонија сокриен во куфер за контрабас. Тамошните медиуми откриваат дека во бегството на Карлос Гон помогнале двајца Американци.
Еден од најуспешните автомобилски менаџери во последните неколку децении, Карлос Гон, побегнал од Јапонија сокриен во куфер за контрабас. Во бегството со приватен авион му помогнале двајца Американци, кои за таа цел посебно допатувале во земјата. Тоа се покажало на снимките од безбедносните камери. Поранешниот прв човек на француско-јапонската алијанса Renault-Nissan-Mitsubishi се наоѓаше во истражителен притвор во Јапонија, но лани во април беше пуштен на условна слобода.
Како што објави тв-каналот NHK, Гон сам го напуштил својот дом во Токио на 29-ти декември и отишол до хотел оддалечен околу 800 метри, кадешто се сретнал со двајца Американци. Според информациите на „New York Times“, едниот од помошниците е Мајкл Тејлор, американски советник за безбедност и поранешен член на специјалната единица Зелени Беретки. Тие утрото допатувале со приватен авион од Дубаи и слетале на аеродромот Кансаи во Осака. При чекирањето во хотел во близина на аеродромот, тие имале со себе големи куфери за контрабас.
Двајцата Американци потоа се качиле на брзиот воз Шикансен од Осака до Токио. Гон се вратил со нив, во хотелот во Осака. На заминување, камерите ги забележиле само двајцата Американци со два големи куфери за контрабас
По два часа, Американците со два големи куфери за контрабас се одјавиле од хотелот. Камерите повеќе не го забележуваат Гон. Големите кутии биле пријавени како куфери за музички инструмент, а тие не минуваат низ рентгенски преглед на аеродромот. Цариниците исто така не ги отвориле кутиите. Приватниот авион полетал за Турција во 23.15 часот локално време.
Гон најави дека во среда ќе даде изјава за медиумите. Јапонскиот производител Nissan и партнер на Renault денес излезе со соопштение дека продолжува правно да го гони Гон. Според соопштението, „Гон соодветно ќе одговара за штетата што му ја нанесе на Nissan со своите постапки.“
#UPDATE Turkish private jet company MNG has filed a criminal complaint saying its aircraft were used illegally to transport fugitive businessman Carlos #Ghosn to Lebanon as he fled prosecution in Japan, the firm said Friday https://t.co/3Ap6DTNi8n #CarlosGhosn pic.twitter.com/2gkLTdM44Q
— AFP News Agency (@AFP) January 3, 2020
По спектакуларното бегство преку Истанбул, до конечното одредиште Бејрут, во Либан, Јапонија ќе ја подигне кауцијата за условното пуштање на Гон. Државата ќе ја касира кауцијата во висина од 1,5 милијарда јени, односно 12,4 милиони евра. Мали се шансите дека Карлос Гон ќе најде повторно пред јапонскиот суд, затоа што Либан нема потпишано спогодба за испорака на осуденици со Јапонија.
На јапонските аеродроми почнаа да се проверуваат сите крупни парчиња багаж на патниците во приватни авиони
Јапонските власти го оценија бегството на Гон како криминално дело. За бегството се користени авиони на турската компанија MHG, еден од Дубаи до Осака и од Осака до Истанбул, друг од Истанбул до Бејрут. Чартер-превозникот започна истрага за лицата вмешани во илегалното дело. Турската информативна агенција Анадолу претходно објави дека во Турција се приведени седум лица, меѓу кои и четири пилоти, под сомнение дека учествувале во бегството на екс-менаџерот. Гон има француско, бразилско и либанско државјанство.
Nissan and Carlos Ghosn are back on a collision course. The former auto titan will hold a news conference Wednesday in Beirut, where he fled to escape trial in Japan https://t.co/J2ekDpPo37
— Bloomberg (@business) January 7, 2020
Japan issues arrest warrant for Ghosn’s wife as Nissan scandal intensifies https://t.co/IK925VH8Xs
— The Independent (@Independent) January 7, 2020
