Бидејќи General Motors повеќе не е сопственик на Opel, американскиот концерн ја изгуби и контролата над моделите на Opel што се развиени во Германија. Моделското освежување на Insignia не важи за нејзината австралиска верзија Holden Commodore. Таа наскоро ќе исчезне од тамошниот пазар, исто како и Astra.
Американскиот General Motors постепено се збогува од моделите на Opel во својата понуда, откако тој стана дел од PSA. Моделското освежување на Insignia, заедно со новата технологија што ја донесе истото, не го опфаќа Buick Regal, којшто е американска верзија на германскиот модел. Тоа важи и за Holden Commodore, изведбата врз основа на Insignia што се продава на пазарот во Австралија. Моделот ќе се нуди на тамошниот пазар уште во 2020 година, а потоа мора да се бара замена во сопствените редови на американскиот производител.
Заедно со Commodore, од австралискиот пазар ќе исчезне и Astra. Тоа се воедно единствените преостанати модели од Opel кои уште се продаваат во земјата. Понудата на Holden во иднина ќе ја сочинуваат само модели врз американска основа. Тоа се неколку СУВ-модели од повеќе различни класи (GMC Acadia, Chevolet Equinox и Trailblazer) и пикапот Chevrolet Colorado.
Засега единствено Buick Regal што се продава на кинескиот пазар го дели моделското овежување со германската Insignia
Holden Commodore беше најпродаван автомобил во Австралија во период од 15 години, меѓу 1996 и 2011 година. Веста дека моделот ќе исчезне од пазарот до крајот на 2020 година секако дека претставува разочарување за возачите. Традицијата се навраќа повеќе од 40 години наназад. Исходот беше сосем очекуван, откако во 2017 година престана локалното производство и моделот почна да се увезува од Германија. Во својата најдобра година, во 1988, локалната продукција на моделот достигна близу 100.000 примероци.
https://www.instagram.com/p/B0zaVEyjyHD/
