Во градот Кал, во германската покраина Северна Рајна-Вестфалија, првпат во светот се користи Harley-Davidson Pan America во справувањето со пожарите и во заштитата од непогоди.
Посебно приспособениот Harley-Davidson е подарок од претставништвото на американскиот производител во Германија. Службениот мотоцикл што претходно се користеше во доброволната противпожарникарска служба, претрпе големо оштетување во поплавите во јули лани, што го зафатија регионот на Нордајфел.
Освен со ротациско светло и сирена, Harley-Davidson Pan America Special располага и со посебен уред за навигација, којшто овозможува комуникација со останатите пожарникари. Harley-Davidson дополнително го опреми мотоциклот и со радио станица, прибор за прва помош и апарат за гаснење пожар.
Дополнителен акумулатор, заедно со специјален полнач, обезбедува долготрајно напојување на специјалната опрема со електрична енерија. Резервоарот, рамката, оклопот се лакирани во сигнална боја според прописите.