Датумот за задолжително обновување на техничкиот преглед и регистрацијата на возилата во Германија се продолжува за четири месеци. Тоа е начин за растоварување на метежот во станиците за технички преглед и уште една мерка за спречување на инфицирањето од вирусот.
Откако во минатата седмица Велика Британија донесе одлука да ја продолжи важноста на техничкиот преглед и регистрацијата на возила за шест месеци, сега и Германија го следи чекорот. Од претходните два месеци, датумот на важност на регистрацијата сега се одложува за четири месеци.
Германското министерство за сообраќај ја донесе одлуката во согласност со правилата за ограничување на движењето и престојот во заеднички простории на повеќе лица, во услови на пандемија.
Властите сепак укажуваат дека должност на возачите е да ги користат возилата во технички исправна состојба, за истите да не претставуваат опасност во сообраќајот.
Британија го одложи техничкиот преглед на возила за 6 месеци
