за

Вака изгледа превозот до работа во иднината

Метежот по градските улици никому не годи: Тоа е штетно и за економијата, а прави и да имаме уште помалку од времето што веќе ни недостига.

Германската компанија e.Volution му нуди на светот сеопфатен систем за превоз до работа, со цел да се намали метежот од автомобили по улиците. Системот се состои од електричен ван Meta со 7 седишта, од кои 4 може да се опремат како биро, потоа од совтверска платформа за резервирање возила и од обезбеден простор за паркирање.

Главната суштина се состои во тоа што e.Volution им нуди можност на компаниите и општо на работодавците, да се претплатат на системот и на своите вработени да им обезбедат бесплатен превоз од и до работното место. Ванот META е едно од првите „Circular Economy“ возила. Овие возила поседуваат посебна технологија и модуларност, можат да се приспособат според потребите и лесно им се заменуваат деловите заради подолг век на користење.

Според стручните лица, до 70% од автомобилите што се движат по улиците низ градовите се користат за патување до и од работа. Во автомобилите најчесто има само возач. Замислата на e.Volution е просечната зафатеност на нивните ванови да се движи меѓу 4 и 5 патници. Тоа укажува на можноста за неколкукратно намалување на сообраќајот по улиците, посебно во шпицовите.

Уште една предност за компаниите е тоа што го намалуваат својот СО2-отпечаток, спречуваат метеж на пат до и од локацијата на компанијата и на вработените им се нуди привлечен превоз организиран од работодавецот. При патувањето, ванот може да се користи и како биро. Компаниите можат сами да изберат како ќе бидат изведени вановите. Исто така е избор на компанијата и вработеното лице што ќе се задолжи со возилото и наутро и навечер ги вози колегите до нивните домови.

e.Volution како давател на услуга, преку партнерства обезбедува и простор за паркирање на вановите во таканаречените Mobility-Hubs, на главните крстопати во градовите. Овие Mobility-Hubs се воедно и претставништва на компанијата, каде што се добиваат информации за нејзините услуги и воедно се резервират услуги.

New item by Automedia MK / Google Photos

Вановите META располагаат единствена градба, којашто се состои од рамка од алуминиумски профили. Внатрешноста е изработена од термопласт, којшто е со висок квалитет и лесно се отстранува по потреба. Замислата е возилата по 5 години да се расклопат, да се заменат дотраените делови и потоа да се вратат во служба. Батериите исто така се заменуваат по пет години, со тоа што старите батерии се користат за стационарно складирање енергија за фотоволтаички системи.

New item by Automedia MK / Google Photos

Погон 2 x 135 kW Peak

Највисока брзина 160 km/h

Батерија 70 kWh

Должина 5078 mm

Ширина 1988 mm

Висина 2007 mm

Капацитет до 7 лица

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Tesla ќе отпушти илјадници вработени

Suzuki Vitara и S-Cross со целосно хибриден погон со 115 КС