Втора година, Дукати го организира натпреварот Мултистрада В4 Војаџерс, со повик до Дукатистите да ги споделат своите искуства, за коишто сметаат дека се посебни и го отсликуваат животот со италијанската машина, придонесувајќи за заедницата, а предизвикувајќи љубомора кај тие што (уште) не се дел од неа.
Шестте најубедливи приказни и нивните автори ќе бидат наградени од Дукати со вреден пакет патни торби, споделување на нивната приказна на друштвените канали на марката, како и пристап до ексклузивни настани. А, тие настани се Борго Панигале Експериенс и тридневен бајкерски влез за светската недела на Дукати, на којашто годинава ќе се одбележи еден век постоење на италијанската престижна марка.
Во првото издание на „Војаџерс“ лани, пристигнаа приказни, фотографии и видеа од патувањата на Дукатисти од 48 држави, од Америките до Азија. Пријавувањето е преку службениот вебсајт на марката, пријавите од Македонија би требало да имаат „тежина“, покрај фактот што Мак Аутостар лани го отвори најголемиот салон за Дукати во регионот, по што следеше и отворање мото-сервисен центар каков што досега не е виден на овие простори. Се бараат слики, видеа, и уште малку текст, од возачките и возачите на Дукати Мултстрада В4.
За пристигнатите „трудови“ ќе решава интерно жири на Дукати, избирајќи во шест категории:
- Најдобра авантура
- Групно патување
- Возење во рамки на Дукати Официјален Клуб
- Најдолго патување
- Соло возења
- Посебна награда, за најдобро толкување на смислата на марката Дукати
Наградниот патен пакет се состои од патна торба и држач (вредност 180 и 65 евра на вебсајтот на Дукати), ранец (149 €), термос (49 €), прекривка за Мултистрада В4 (229 €), вратна облога за заштита од студ (15 €), прирврзок и етикета, сé со знакот на Дукати. Врв е трофеј изработен со име и презиме.
Поради тоа што се работи за славеничка година, за првиот век на Дукати, наградите опфаќаат и тридневна бајкерска влезница за Неделата на Дукати во Мизано, од 3-ти до 5-ти јули и билет за Борго Панигале Експериенс, со посета на фабриката за „црвените“ машини.
Победниците со своите приказни ќе бидат објавени на сите канали на Дукати на друштвените мрежи и на вебсајтот. Пријавувањето завршува на 2-ри мај.
