Изведбата ЗР1 е врвот во понудата на прочуената Корвет, во нејзината осма генерација. Во оваа изведба работи најсилниот мотор што досега е вграден во сериски автомобил произведен во САД и со тоа е најекстремната Корвет во историјата.
Основата е осумцилиндарец од 5,5 литри, што работи во изведбата Зед06, но тој мотор е темелно преработен поради натполнењето. Моторот се води како ЛТ7 и користи два турбополначи, од коишто секој произведува притисок на наполнење од 1,37 бар. Заради високиот притисок, компресијата е смалена од 12,5:1 на 9,8:1.
Крајниот резултат се 1.085 КС при 7.000 вртежи и максимален вртежен момент од 1.123 њутнметри што се постигнува при 6.000 вртежи. Уште при половината од тие вртежи, вртежниот момент надминува 1.000 њутнметри. Постои и уште поекстремна изведба, тоа е ЗЕ1 Икс, каде што е додаден електромотор, и моќноста порасна соодветно на 1.267 КС.
Корвет постигнува брзини до 375 километри на час, но дотогаш ќе остане без лак
Оваа исклучителна моќност се пренесува само на задната оска. Преносот на сила се одвива преку осумстепен менувач со двојна спојка, но по електронски пат мора во пониските степени да се ограничи вртежниот момент што го испорачува моторот, за тркалата да можат да остварат контакт со асфалтот.
Според фабрика, спринтот до темпо од 60 милји на час, односно малку над 96 километри на час, трае 2,3 секунди. Четвртина милја паѓа за 9,6 секунди, а како крајна брзина официјално се наведуваат 345 км/ч. Колку навистина постигнува Корвет ЗР1, сцената дозна преку тестовите на патеката Папенбург во Германија, каде што беа постигнати 375 километри на час. Но, има проблем.
Повеќе сопственици јавија дека им се лупи лакот на возила што се опремени дополнително со пакет ЗТК Перформанс. За случајот прв јави сопственик од САД, кој по отворен ден на патеката Дајтон забележа оштетување на лакот во подрачјето каде што е прицвртен задниот спојлер. Тој вели дека не возел побрзо од 180 милји на час, што е околу 300 километри на час. Потоа се јави и друг возач со сличен проблем.
View this post on Instagram
Лакот се оштетува под дејство на воздушните струи
Експертите упатуваат дека проблемот не е во лакот или во спојлерот, туку едноставно се јавува поради притисокот од воздушните струења што се создаваат при високи брзини, во подрачјето на задниот спојлер. Пакетот ЗТК Перформанс е наменет главно за тркачка патека, и покрај дополнителни спојлери, вклучува покруто подвозје и гуми Мишелин Спорт Куп 2.
Шевролет наведува дека пакетот спојлери при крајната брзина произведува притисок од вкупно 545 килограми. Во делот на држачите на задниот спојлер се јавува екстремно напрегање, поради што се лупи лакот под дејство на воздушните струи.
Производителот им излезе во пресрет на сопствениците и бесплатно го прелакира подрачјето околу држачот.
