Извршниот директор на марката Ситроен, Тјери Коскас, за следната година има план уделот на електричните автомобили во продажбата на марката да го зголеми од сегашните десет на 23 проценти.
Еден од најисчекуваните модели на македонскиот пазар годинава, Ситроен Ц3, ќе има клучна улога и во удвојувањето на уделот што батериските електрични автомобили го постигнуваат во вкупната продажба на марката на европскиот пазар, најавува извршниот директор Тјери Коскас. Ситроен Ц3, традиционално големо име на македонскиот пазар, освен во класична погонска изведба со бензински мотор, се произведува и во целосно електрична изведба.
Шефот Коскас е задоволен од тоа што електричниот е-Ц3 го донесе како првичен резултат од продажбата на пазарите во Германија и Италија. Француската марка сепак нема намера да го следи примерот на останатите производители и да понуди ретро-модел со погон на струја. Тоа главно важи на 2ЦВ, кај нас познат како Спачек. Коскас: „Ние сакаме да напредуваме и со дизајнот.“
Зошто Ситроен 2ЦВ на друго место се води под прекарот „Пајче“, а кај нас е познат како Спачек?
Ситроен 2ЦВ беше сензација и големата популарност му донесе бројни прекари. Светот го сакаше овој автомобил. Во поширокиот балкански регион, моделот е познат како Спачек. Но, што точно стои зад овој прекар? Холанѓаните први почнаа да го именуваат 2ЦВ како „Пајче“, по нив следеа Белгијците и Германците. Тоа е воедно и најчестиот прекар. Во поранешна Југославија, Ситроен 2ЦВ се произведуваше под лиценца во тогашен Цимос. За да се укаже на словенското потекло, Словенците додадоа С и „пачекот“, односно пајчето, стана Спачек. Според тоа, прекарот кај нас сепак би требало да гласи Пајче.
Гените на Пајчето сепак се неодделиви од препознатливоста на Ситроен. Шефот Коскас го посочува како пример за тоа токму новиот Ц3. „Во моментов електричните возила се прескапи за широк круг купувачи. Токму тоа ќе се смени со нашиот електрiчен Ц3, којшто чини 23.000 евра. Со овој модел во моментов сме сами на пазарот и поради тоа голем број клиенти доаѓаат од другите марки кај нашите дилери.“
