Во екот на кризата со недостигот од полупроводници за автомобилските фабрики, Infineon, еден од десетте најголеми производители на полупроводници во светски рамки, најавува поскапување.
Шефот на најголемиот германски производител на полупроводници, Рајхнард Плос, ќе ги нуди производите на компанијата по повисока цена од досега. Во интервју за економскиот неделник „Виртшафтсвохе“, првиот човек на Infineon го образложува зголемувањето на цените со повисоките трошоци за производство. „Нашите трошоци исто така се зголемени енормно, затоа што не ги произведуваме сами сите чипови. Секако дека овие трошоци мораме да ги вклучиме во крајната цена“, образложува Плос. Уште не се наведува колкаво ќе биде зголемувањето на цените.
Ниските цени на полупроводниците биле една од повеќето причини што доведоа до кризата со чипови. „Индустријата навикна некои составни делови да ги набавува по мошне ниска цена. Кога со чиповите се тргува со мошне ниски цени, тогаш е мошне мал поттикот да се градат нови капацитети“, објаснува извршниот директор на Infineon.
Тесното грло во снабдувањето со полупроводници моментно погодува силно повеќе производители на автомобили. Infineon е издвоен огранок на Siemens AG.