Octavia, A-Class, Tiguan, најпродавани модели во Швајцарија

Последиците од пандемијата уште се чувствуваат во продажбата на автомобили во Швајцарија и Лихтенштајн. Во споредба со ланскиот мај, годинава продажбата пораснала за 43,9 проценти, но тогаш мируваше сé. Минатиот месец беше втор најлош месец во богатата земја во новиот милениум.

Од почетокот на годинава во Швајцарија и Линтехштајн се пуштени 97.543 нови патнички автомобили во сообраќај. Порастот од 25,2 проценти во споредба со истиот период лани е само мала утеха. Пазарниот волумен уште заостанува за повеќе од 20% зад 20-годишниот просек, како последица од пандемијата. Дури и во кризната 2009 година, продажбата била подобра отколку во двеве корона-години.

На 13-ти јуни ќе се гласа за новиот СО2-закон, што експертите ценат дека ќе предизвика зголемување на цените на автомобилите со повисока емисија на штетни материи, без тоа да има позитивно влијание врз намалувањето на емисијата на СО2.

Еден од секои шест нови автомобили во Швајцарија има електричен погон

Големата прифатеност на хибридните и електричните возила меѓу возачките и возачите покажува дека земјата нема потреба да донесува нов закон со којшто би се поттикнала продажбата на автомобили со чист погон. По првите пет месеци од годината, пазарниот удел на моделите што користат елеткромотор во погонот изнесува 37,8 проденти. Пред една година, овојо удел изнесуваше 21,4 проценти.

Од почетокот на годината се регистрирани 37.252 нови автомобили со хибриден, електричен или водороден погон, како и со погон на автогасм, наспроти 16.840 возила лани – тоа е раст од 121,2 проценти. Од вкупниот број на овие возила, 8.629 се чисто електрични автомобили (+98,8 %) и 8.070 се автомобили со приклучен хибриден погон (+141,9 %). Заедничкиот пазарен удел на овие возила со приклучок за полнење изнесува 17,0 проценти. За истиот период лани, нивниот удел изнесувал 9,7 проценти. Само во мај, пазарниот удел на приклучните хибриди и електричните автомобили изнесувал 18,8 проценти.

Деталните продажни статистики по модели во моментов се достапни само за април.

Најпродавани модели во Швајцарија и Лихтенштајн до април 2021