VT Holding е нов сопственик на легендарната спортска марка Caterham од Британија, откако нејзините модели ги увезува и дистрибуира на јапонскиот пазар од 2009 година наваму. Јапонската компанија годишно продава по 120 примероци од марката Caterham.
Како еден од најголемите трговци со автомобили во Јапонија, со повеќе од 200 салони во земјата и со вложувања во Велика Британија, Шпанија, Тајланд и Јужна Африка, VT Holdings меѓу другото увезува и низа марки мотоцикли и автомобили на јапонскиот пазар, вклучувајќи ги марките Royal Enfield и Lotus.
Мотоспортот и викенд собирите на најценетите тркачки патеки во светот отсекогаш претставувале основа на комерцијалиот успех на Caterham. Марката сега се придружува во група предводена од директорот Казухо Такахаши, кој и самиот се натпреварувал во JGTC, Super GT и Super Taikyu во последните дваесет години.
Таханаши-сан коментира за зделкат: „VT Holdings со гордост го поздравува Caterham во групата. Покрај тоа што купивме светски позната марка спортски автомобили, станавме и старатели на автомобилска легенда.“
Caterham Cars продава на 20 пазари ширум светот, со учество на извозот од 60 проценти.