за

BMW цели на три милиони автомобили годишно

Шефот Оливер Ципсе ја најави следната цел за баварскиот концерн. BMW уште во оваа деценија планира да достигне годишна продукција од три милиони автомобили.

Еден и единствен BMW 745Le за луксузен ресорт во Кејптаун

Производителот на автомобили BMW планира значително да ја зголеми продажбата на своите автомобили до крајот на деценијава. „Сакаме уште во оваа деценија на клиентите да им испорачуваме три милиони автомобили годишно“, изјави шефот на BMW, Оливер Ципсе, во интервју за германскиот Менаџер Магазин.

Лани BMW продаде 2,3 милиони автомобили од своите три марки BMW, Mini и Rolls-Royce, а една година пред тоа беа 2,5 милиони примероци. „И нема да чекаме трите милиони да ги достигнеме дури во 2029 година“, изјави Ципсе.

Високата продажна цел подолго време се спомнуваше во внатрешните кругови во концернот. Со неа ќе се провоцира и конкуренцијата од Daimler, кој со својата премиум марка Mercedes-Benz во продажбата во светски рамки веќе неколку години е пред минхенскиот ривал.

Ципсе најави дека планира и во иднина да постигнува повисок раст од просекот на целата бранша. „Понудувачите на висока технологија, каков што е BMW, во минатите години напредуваа многу подобро отколку основниот сегмент. Тоа ќе продолжи, посебно во Азија“, изјави менаџерот.

Германските производители на автомобили добро ја минаа корона-кризата и повторно бележат раст, првенствено поради добриот бизнис во Кина. Моментно во земјата одлично се продават првенствено поскапите модели од Mercedes, BMW и Audi.

BMW постигнал рекордна продажба во првиот квартал

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

Кога и Cadillac почна да вози на струја

Toyota почнува со продажба на електричен фургон и миниван