за

BMW ја прогласува сезоната на кабриолети за отворена

Точно на почетокот на сезоната на возење кабриолети, Баварците ја пуштаат освежената изведба на родстерот Z4. Моделот малку и поевтине, но е далеку од евтин.

За спортската марка од Минхен е дојдено времето да се спушти покривот и да се ужива на пролетното сонце, и тоа најдобро во новото моделско годиште на Z4. Промените во изгледот на светлата, во распоредот на копчињата во кокпитот и во списокот на опрема се подразбираат со секој фејслифт, исто како и воведувањето на нови мотори. Во случајов, нов мотор вози во моделот Z4 18i, има работна зафатнина од два литра, односно исто колку и моторот во Z4 20i со 184 КС, но е околу 4.000 евра поевтин од него и има 28 КС помалку.

На лесните родстери не им се потребни многу коњски сили да постигнат примерна динамика, па тоа важи и за Z4 18i. Тој забрзува до сто за 7,9 секунди и вози најбрзо 221 km/h. Горниот дел од понудата го сочинуваат Z 28i со 245 i Z4 35i со 306 КС, додека врвот е резервиран за 35is, со шестцилиндарец со 340 КС.

Поводот за освежувањето на моделот е јасен: Jaguar го има новиот F-Type.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Идниот Tiguan ќе напаѓа во тројка

Volkswagen гази по теренот со стил