Автомобилскиот пазар во Белгија беше во минус 48% во минатиот месец. Во исто време, продажбата на електрични и плагин хибридни возила порасна за 39 проценти. За трите први месеци од годинава, продажбата на овие возила е за 91% повисока од истиот период лани.
Електричната револуција продолжува. Автомобилската продажба е во пад, но речиси на сите пазари, возилата со обичен погон имаат поголем пад од електричните возила. На некои пазари, пак, електричните возила бележат драстичен раст.
Пример за последново е Белгија. Во минатиот месец, во земјата вкупно се продале 48% проценти помалку возила отколку во истиот месец лани. Меѓутоа, продажбата на електрични возила и плагин-хибриди, пораснала за 39 проценти. Автомобилите на струја во меѓувреме достигнаа удел од речиси десет проценти, односно прецизно 8,6%.
Белгија напредува рапидно, затоа што лани во февруари само 3% од новите возила биле на струја, вклучувајќи ги плагин-хибридите. Најпродаван модел во првото тромесечје е BMW X5 eDrive. Тој сигурно не е поим за штедлив автомобил, но сигурно е подобар од моделската изведба без плагин-хибрид. На германскиот СУВ отпаѓа една десетина од пазарот на возила со електричен погон во првиот квартал.
Веќе не е изненадување тоа што вториот најпродаван модел е Tesla Model 3. Белгијците очигледно ги обожуваат плагин-хибридите на BMW, затоа што веднаш на третото место е следниот модел од марката, BMW 330e. Со незначителен заостаток следи електро-евергринот Renault Zoe, а по него се T8-верзиите на Volvo XC40, Volvo XC60 и Volvo S/V60.
Mercedes добро се држи во трката во овој сегмент, особено кога ќе се земе предвид дека се работи за марка во чијшто имиџ е „фиксиран“ дизел-моторот. Mercedes C300e/de – вториов, патем е дизел-хибрид – следи на 9-то место, пред батерискиот Audi e-tron.