Експерти од автомобилската сфера, пресметаа дека германските производители на автомобили, поради кризата секој ден губат по 360 милиони евра.
Професор Фердинанд Дуденхефер, германски експерт за автомобилска економија, пресмета дека производителите во земјата, за секој ден без промет поради нарушените услови во пандемијата, трпат загуба во висина од 360 милиони евра послаб промет.
Концерните Volkswagen, Daimler и BMW, во минатата година реализирале промет од 530 милијарди евра. Петнаесет проценти од таа сума, што значи 80 милијарди евра, биле потрошени за камати и раздолжувања.
Дуденхефер објаснува дека овие трошоци се создаваат и во услови кога фабриките се затворени и не се реализира промет. На тоа дополнително треба да се пресметаат и платите, коишто се исплатуваат и при скусено работно време. При 220 работни денови во годината, тоа значи дека секој ден без промет, на германските автомобилски гиганти им носи загуба од околу 360 милиони евра.
Корона ја запре автомобилската индустрија
