за

Електро-болидот на Audi за Рели Дакар е на тешки тестови

Audi RS Q e-tron се тестира во екстремни услови пред да стартува на Рели Дакар в година, како прв електричен автомобил на овој беспоштеден маратон.

Тимот на Audi Sport заврши уште една серија тешки тестирања во подготовките за Рели Дакар во јануари 2022 година. Новиот Audi RS Q e-tron беше на осумдневно тестирање по беспаќа во Шпанија, во услови што не се разликуваат многу од маратонското рели.

Електричниот болид на Audi првпат се појави пред јавноста на 30-ти јуни на настан во германскиот град Нојбург на Дунав. Во средината на јули следеше и огненото крштевање, со тестирањето во регионот на Магдебург, каде што беа стекнати првите искуства со возилото во потешки теренски услови. Пред неколку денови заврши уште една серија тестирања на Audi RS Q e-tron, на теренска патека во Сарагоса, во Шпанија. Таму веќе се возеше во услови на подлога што се слични на условите на Рели Дакар.

Во Арагонија тестираа трите возачки тимови на Audi Sport. Кршталното возење му припадна на рекордерот на Дакар, Стефан Петерхансел, заедно со совозачот Едуар Буланжер, кои возеа во минатиот петок и сабота. Потоа презедоа Матијас Екстром и Емил Берквист, кои по дводневно тестирање го предадоа возилото на следниот тим, на Карлос Саинц и Лукас Круз, кои беа зад воланот на Audi RS Q во периодот од средата до петокот.

New photo by Automedia MK / Google Photos

На макадамските делници во должина до дваесетина километри, Audi RS Q e-tron постигна крајна брзина од 180 km/h. Температурите до 34 степени во сенка беа вистинска проба за концептот на ладење на возилото со мошне комплицирана техника.

Целта на тестирањето беше да се вози што е можно повеќе и да се откријат слабостите. Во септември следи тестирање на коешто првпат ќе се вози по дини.

Audi RS Q e-tron поседува чисто електричен погон, со два погонски модули што се преземени од Формула Е. Високонапонската батерија што е развиена од Audi Sport ќе се полни во текот на возењето со помош на генератор, којшто се состои од TFSI-мотор користен во германското првенство со туристички возила и од уште еден електричен погонски модул.

New photo by Automedia MK / Google Photos

Audi прв ќе вози на струја на Рели Дакар

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Volkswagen го најавува ID.5 GTX како премиера за IAA во Минхен

volkswagen fabrika emden

Поради кризата: Автомобили излегуваат од фабрика со лажни чипови