Мерцедес-АМГ сам е папараци на своите идни модели и објави слика од идниот СУВ модел со електричен погон додека вози по автопат. Во следниот период, сцената повеќе ќе слуша и гледа за првиот СУВ на спортскиот огранок на Мерцедес-Бенц Карс. Заедно со него вози и идниот ГТ со 4 врати.
Новиот СУВ од висока класа е втор модел што ја користи архитектурата за целосно електричен погон АМГ.ЕА. Проектот напредуваше во следната фаза, а тоа значи дека прототипите се изработени и пуштени се да тестираат во вистински услови на возење, по автопатишта и по патеки за тестирање.
Првото одредиште е тестирање во услови на исклучителен студ на северот на Шведска. Таму уште пролетоска почна да тестира друг модел на АМГ – изведбата со 4 врати од ГТ, купе-лимузината што ќе им се придружи на купето АМГ ГТ и родстерот АМГ СЛ.
Јавноста неодамна доби потврда дека АМГ почнал со развој на голем СУВ модел со целосно електричен погон. Тој наскоро ќе му се придружи на ГТ со 4 врати, по снеговите во најстудените краишта на Шведска. Целта на тие тестирања е да се провери како сите компоненти на возилото се усогласени едно со друго и како функционира техниката.
За техниката не се открива многу, иако е за очекување голема револуција во електричниот погон. Идниот СУВ ќе користи електромотори со т.н. аксијален флукс, со предности во моќноста, големината и тежината. Тоа се електромотори што првично ги разви британскиот специјалист Јаса, којшто сега е дел од Мерцедес. Со нив оди и нова генерација батерии со високи перформанси.
Производството на првите модели врз платформата АМГ.ЕА се очекува кон завршетокот на 2025 година.
