за

Додека Скопје повторно се души: Во Стразбур само со еколошка вињета

аерозагаденост, загадување, воздух, аерозагадување

Експертите веќе половина деценија го наоѓаат изворот на отровниот воздух во македонските градови. По теоријата со алуминиумот, последното сознание укажува дека загаденоста произлегува од согорување диви депонии. Светот веќе одамна го знае причинителот. Најактуелниот пример, Стразбур.

По Париз, Лил, Лион и Гренобл, еколошката вињета „Crit’Air“ ќе се применува и во Стразбур. Од 1-ви ноември, при долготрајно надминување на вредностите на ситен прав и азотни оксиди, во елзашката метропола ќе смеат да сообраќаат единствено возилата со еколошка вињета. За постарите возила што не ги исполнуваат важечките еколошки норми ќе важи забрана за сообраќај во Стразбур и во соседните општини, во услови кога загаденоста на воздухот ќе го надмине дозволениот лимит.

На туристите што планираат да посетат некој од француските градови им се препорачува вињетата да ја нарачаат однапред преку интернет. Вињетите имаат важност во сите француски еколошки зони. Crit’Air е класифициран според квалитетот на издувните гасови и чини 4,80 евра. До испораката се чека три недели.

Казната за возила со недоволно квалитетен издув изнесува меѓу 68 и 135 евра

Доколку станува збор за итно патување, потребно е да се испечати потврдата добиена преку електронска пошта и истата да се постави на видливо место во возилото. Казната за прекршување на забраната се движи меѓу 68 и 135 евра, во зависност од типот на возилото и квалитетот на издувните гасови.

Возачите треба непосредно пред поаѓањето на пат да се информираат за тековната состојба во регионот во којшто патуваат. Кога концентрацијата на штетни материи ќе ги надмине соодветните гранични вредности, тоа се прикажува на електронски табли. Доколку резервираниот хотел се наоѓа во еколошката зона, хотелските гости што не поседуваат вињета за своето возило ќе мораат да го користат јавниот превоз или да пристапат со своето возило во периодот кога забраната за сообраќај не важи. При аларм за загаденост и забрана за сообраќај поради смог, сопствениците на вињета можат бесплатно да ги користат јавните превозни средства.

Во потрага по мистериозниот загадувач на македонскиот воздух

Вистината зошто Македонија не го спречува загадувањето од сообраќајот

Македонија: Три од четири автомобили се постари од 10 години

Колку чини лажниот автомобилски луксуз по македонските улици?

Скопје е повеќе загадено од Париз, Мадрид и Берлин заедно

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Reliant Robin 1968 Only Fools and Horses Del Boy Rodney

Го препознавате овој автомобил?

електричните автомобили кина

Кина е светски шампион во електричните автомобили