Британците отсекогаш биле полни со идеи кога се работи за подвижни домови. Dansbury Doubledeck е базиран на Volkswagen T5 и има „соба“ што се извлекува од возилото.
Фирмите што вршат преработки на комбиња во возила за кампување го обожуваат Volkswagen T5. Тој е компактен и лесно се пробива во тесните улички на малите приморски градови кои се негово најчесто одредиште. Затоа, пак, неговите компактни димензии оневозможуваат во кабината да се смести најнеопходното за преноќување, односно најмалку два кревета, кујна и тоалет. Единственото решение е продолжување на кабината.
Откако Doublepack ќе се паркира, од задниот дел се извлекува продолжението на кабината со помош на електромотори. Овој продолжеток е долг два метра, тежи околу 150 килограми и целосно се извлекува за 45 секунди. Потоа може да се оптовари со најмногу 400 килограми.
За зголемување на просторот во предниот дел од возилото може да се подигне покривот и низ него да се движи исправено. Во зависност од желбите на купувачот, овој дел може да се опреми со кујна и со санитарен јазол. Проблемот е тоа што секое задоволство е скапо. Doubleback чини најмалку 65.000 евра.