Што сé нема видено Римскиот Колосеум во своите дваесет векови. Сега и електрична формула. Во април в година, за првпат во Рим ќе се вози трка од Формула Е.
Тимовите во тркачката серија со електрична формула го посетија Вечниот град, со цел да ја најават трката што ќе се вози на 14-ти април. Тркачките формули со електричен погон прават огромен историски контраст со спектакуларните градби и сцени во Рим.
По трките во Азија, Африка, Јужна и Северна Америка, наелектризираната тркачка серија во април 2018 ќе го има првото возење на европска почва во новата сезона токму во Рим. Потоа, Формула Е продолжува во Париз, Берлин, Цирих, па назад во Северна Америка.
Возењето во Вечниот град ја симболизира суштината на тркачката серија со електрична формула
Патеката за трката во април минува низ квартот ЕУР (скратено од „Esposizione Universale di Roma“, односно светска изложба на Рим), покрај прочуениот „Квадратен Колосеум“ и футуристичкиот конгресен центар Ла Нувола. Огромните архитектонски спротивности го симболизираат патувањето од минатото во иднината, односно ја прикажуваат суштината на Формула Е.
Со остри лакти, тесни шикани и комбинација од бавни и брзи делници, патеката најавува возбудлива трка. Првите две трки во новата сезона ќе се возат на 2-ри и 3-ти декември во Хонг Конг.