Прочуените црни такси возила не само што претставуваат заштитен знак на Лондон, туку спаѓаат и во нашата претстава за Велика Британија воопшто. Актуелниот TX4 на компанијата London Taxi сепак мора да му ја препушти доминацијата на едно возило од странски производител. Mercedes Vito се продава во поголем број примероци отколку легендарниот оригинал со претпознатлив изглед.
Според официјалната статистика за Лондон, во првите девет месеци од годинава се издадени 625 лиценци за Vito како такси возило, наспроти 474 лиценци за LTC TX4. Со удел од 55 проценти, комбето на Mercedes е пазарен лидер во англиската престолнина.