Фабриката на Toyota во Полска произведе еден милион мотори. Јубилејниот мотор е дволитарски дизел, кој што во британската фабрика во Дербишир ќе се вгради во моделот Avensis. Моторите од фабриката Toyota Motor Industries Poland или скратено TMIP се испорачуваат во производствените погони на Toyota во Англија, Франција, Турција, Јужна Африка и Јапонија. Во фабриката работат 740 лица во две смени, а Toyota досега има инвестирано преку 250 милиони евра на оваа производствена локација.
