Досегот е клучен податок кај електричните автомобили. И покрај тоа, Tesla наведувала неточни податоци за досегот на своите возила.
Пионерот на електричните автомобили Tesla ги манипулирал податоците за досегот на своите возила. Преку зафат во софтверот се постигнало возилата при полна батерија да прикажуваат поголем досег отколку што автомобилите можат да минат вистински.
Веста ја објави новинската агенција Ројтерс. Дури откако наполнетоста на батеријата ќе се спушти под 50 проценти, се добиваат пореални податоци. Според инсајдерите, наредбата за тоа да се направи ја дал лично шефот Илон Маск, уште пред десет години.
Не е познато дали софтверот е активен и во актуелните модели на Tesla. Во рекламите исто така се наведувала претерана вредност за досегот на електричните автомобили. Тоа побудувало нереални очекувања кај клиентите, а потоа соодветно водело и кон разочарување.
Бидејќи соодветно на тоа и сопствениците на Tesla се жалеле често за премалиот досег, Tesla оформиле посебно одделение. Таканаречениот „Diversion Team“ имал задача да ги негира поплаките на клиентите. Работата на вработените се сведувала главно на спречување клиентите поради проблеми да дојдат во сервисните работилници, што наводно биле преоптоварени.
Tesla quietly created a team to cancel as many appointments as possible from customers who wanted to bring their vehicles in for service to address driving range complaints. Employees were told they saved Tesla about $1,000 for every canceled appointment https://t.co/If27truHig
— Reuters (@Reuters) July 27, 2023
Ројтерс се повикува само на случаи во САД. Дали оваа практика се применувала и на останатите пазари, уште не е утврдено. Јужнокорејските органи во почетокот на годината ѝ изрекоа парична казна на Tesla, поради лажни податоци за досегот.
[the_ad id=”73735″]
На оваа тема можеме да се надоврземе со искуствата со електричната Toyota, во рамките на проектот „3000 километри со електрична Toyota bZ4X низ Македонија“. Токму сигурноста околу досегот што го прикажува патниот компјутер е импресивна, и досега не се случило при возењето да доживееме непријатно изненадување околу досегот. Тоа сепак е искуство што Toyota го има стекнато во близу 25 години сериско производство на автомобили со хибриден погон.
