Германската спортска марка Porsche вложи 75 милиони долари во HIF Global LLC, холдинг што развива постројки за производство на е-горива. Компанијата со седиште во Сантијаго де Чиле моментно гради пилот-фабрика за е-горива во Пунта Аренас во Чиле.
Под иницијатива на Porsche и во партнерство со Siemens Energy и ExxonMobil, во Чиле моментно се гради постројка за производство на е-горива, којашто се очекува да започне со работа кон средината на годинава. Горивото се произведува од водород и од јаглероден диоксид, со користење на енергија произведена од ветрот. Користењето на е-горивата во моторите со внатрешно согорување постигнува речиси неутрален биланс во поглед на емисијата на СО2.
Покрај Porsche, во HIF Global LLC инвестираат и чилеанската компанија Andes Mining & Energy (AME), како и американските EIG, Baker Hughes Company и Gemstone Investments. Вкупната инвестиција изнесува неколку стотини милиони евра. Сопственик на главнинскиот удел во HIF Global LLC е AME. Дополнителниот капитал ќе се користи за развој на постројки за индустриско производство на е-горива во Чиле, САД и Австралија. Суштинска за производството на е-горива е достапноста на енергија од обновливи извори.
Синтетските горива се интересни и за автобилската индустрија, но и за аеронаутиката и за бродскиот транспорт. Покрај тоа е-метанолот е важна суровина за други примени, на пример како замена за суровините од фосилно потекло во хемиската индустрија. Е-метанолот е меѓупроизвод што се добива при производството на е-горива.
Porsche plants the seed for eFuel in Chile. https://t.co/Ck3F4GN9MC pic.twitter.com/oUjPz2idC1
— Hagerty (@Hagerty) September 17, 2021
Porsche подолго време работи на замена на горивата од фосилно потекло и се вбројува меѓу пионерите на технологијата на е-горива. Целта е тие горива во почетокот да се користат во мотоспортот, а следен чекор може да биде точење на горивото при излез на произведените автомобили од фабрика. Горивото може да биде достапно и на сопствените тркачки патеки на Porsche.
💣 BREAKING: W/ @Porsche @HIFGlobal & others, we are implementing a pilot project in Chile 🇨🇱, expected to yield the 🌍's first integrated commercial plant for making climate-friendly #efuel!
About the project ▶️ https://t.co/6jpCK8OIku @BMWi_Bund @peteraltmaier @arminschnettler pic.twitter.com/K6wtMOWT1F— Siemens Energy (@Siemens_Energy) December 2, 2020
