Електричниот ID.3 во Германија се продава исто колку Polo

Автомобилската сцена во последниве години се менува буквално од корен, се случува револуција споредлива со почетокот на производството на автомобили на подвижна лента. Предводник на промените е електричниот погон, а со него доаѓаат и конективноста, автопилотираното возење и одржливоста. Отстапувањето на „зацементираното“ место на најпродаван модел во Европа на Volkswagen Golf во март, навести дека промените допрво ќе се случуваат. Golf, всушност, не слабее, туку јакне неговиот чисто електричен пандан, ID.3. Следи еден мал преглед на продажбата на германскиот пазар.

По повеќедецениска доминација, Golf го отстапи првото место во продажбата на автомобили во Европа во март. Но, тој повеќе не е сам. Постои „нов голф“, а тоа е електричниот ID.3. Кралот на компактите и татко на голф-класата, сепак, веднаш си ја врати позицијата. Но, целата таа фама околу пропуштањето на првата позиција, наметна едно прашање. Зошто „слабее“ Golf?

Golf не слабее, туку јакне неговиот електричен пандан. Колку во меѓувреме се сменија работите општо на автомобилската сцена, и во самата марка Volkswagen, сведочи и фактот што ID.3 веќе имаше македонска премиера во Порше Македонија и во редовна понуда е на увозникот за VW Group, исто како Golf или Octavia. Електро-пионерот меѓу компаниите, ПроКредит Банка, веќе располага со возен парк од неколку примероци од ID.3.

Но, колку добро се продава електричниот компакт, „голф“ на утрешнината што веќе е почната? За тоа, секако дека најдобриот одговор може да го даде најголемиот и најдинамичен автомобилски пазар во Европа – домашниот пазар на VW и ID.3, Германија.

Педантната статистика на автонацијата открива дека во април во земјата биле продадени 2.264 примероци од ID.3. За споредба, Golf се продал во 7.203 примероци. Приближно на секој еден продаден ID.3 доаѓа по еден Golf. Вкупно, пак, од јануари до април, во Германија се продадени 8.215 примероци од ID.3 и 33.796 примероци од Golf.

Електричниот компакт уште е многу далеку од Golf, меѓутоа според априлската динамика на продажба веќе се носи со Серија 1 и со X1 на BMW, со Seat Leon, со Audi A4, а ги остава зад себе Ford Kuga, Renault Captur, Kia Ceed, Opel Crossland X и други.

Тоа што е неоспорен факт: Volkswagen моментно има два бестселери. Едниот е традиционален – иако во осмава генерација повеќе е техно-авангарда – вториот е електричен. Двата модели се разликуваат тотално во погонот, па и кругот на купувачи има само мали поклопувања, меѓутоа кога во иднина ќе се случи Golf пак да го препушти традиционалното прво место во продажбата во Европа, причината за тоа е самиот „голф“, поточно ID.3, за којшто се’ повеќе ќе се решаваат купувачите што претходно би посегнале по Golf. Има и ID.4, од него исто се очекува многу.

Продажба по модели на Volkswagen во Германија, јануари – април 2021

Најпродавани модели во Германија во април ’21