Ако Бугарите не возат стар Jaguar, на ново им е најдобра Dacia

Бугарија во јануари регистрирала само 2.185 нови автомобили и доставни возила, за 20% помалку отколку во првиот месец лани. Колку што пазарот одел надолу, така Dacia напредувала угоре и ја зголемила својата продажба за 18,9 проценти.

Хит-марката на Renault во првиот месец од 2021 година учествувала со 12,7% во вкупниот автомобилски пазар во Бугарија. Тоа е незначително пред Toyota (+2,2% во јануари) со удел од 12,5% и пред Skoda (-26.7%) со удел од 11,7% на бугарскиот пазар. Renault (-4,3%) се држи одлично и успеа да го престигне Volkswagen (-29,5%).

Во конкуренција на модели, почесното прво место на бугарскиот пазар на автомобили ѝ припаѓа на Dacia Dokker со удел од 5,1% од пазарот. Пријатно изненадување е Toyota Corolla, на второто место по напредувањето за три позиции, пред Citroen C3 на третото место, што е за цели 12 места повисоко во споредба со декември лани и веројатно се должи на тендерска продажба.

Четвртото место и натаму е за Dacia Duster, пред Skoda Octavia, којашто во јанаури се најде две места подолу отколку во претходниот месец. Шампионот од лани, на ниво на цела година, Renault Clio, сега е четири места подолу, на шестото место. Забележливо напредувала и Toyota C-HR, искачувајќи се девет места на 7-та позиција, пред Skoda Scala, којашто во првиот месец од 2021 е пет позиции повисоко, на деветтото место.

Најпродавани марки во Бугарија во јануари 2021

Најпродавани модели во Бугарија во јануари 2021

>>> Германски еколози мереа загадување во Србија и Бугарија, во Македонија не се ниту обидоа