Италијанската марка спортски автомобили придонесува со убави кадри и со убава приказна во празничното расположение. Колона скапи и моќни автомобили извозеа божикна тура во неколку предели во Италија, со крајно одредиште високо на планина, на снег и на повеќе од две илјади метри.
Конвој од автомобили Lamborghini, вклучувајќи ги Aventador SVJ, Huracán Evo и Urus, како моделите што моментно се најголема гордост на марката, појде на овогодишното божикно возење од седиштето во Сант Агата Болоњезе, преку Брунико, со крајно одредиште на План де Коронес.
Десетте автомобили се дел од убавите кадри по планинските патишта во регионот Алто Адиџе, кои водат до врвот План де Коронес, на висина од 2.275 метри. Од тоа што го прикажуваат кадрите, Huracan Evo имаше најдобра забава на снежните предели по Доломитите. Рутата целно минуваше низ регионите во Италија во коишто се става силен нагласок на одржливоста на животната средина.
https://photos.app.goo.gl/QLAqBrp9JnFbLqnJA
Учесниците во божикното возење на Lamborghini, на врвот План де Коронес ги чекаше гоштевање во ресторанот AlpiNN, прочуен и ценет меѓу гурманите по еко-концептот што се води како „Cook the Mountain“, но и по шефот Норберт Нидеркофлер, одликуван со три ѕвезди на Michelin.
Два од секои три купувачи на Lamborghini Urus првпат седнуваат во автомобил од марката
Во 2019 година, Lamborghini испорача преку 8.000 автомобили на светскиот пазар, што е голем скок во споредба со 5.750 возила во 2018 година. Тоа е заслуга на Urus, со повеќе од 70% од купувачи што првпат седнуваат во модел на Lamborghini.
https://photos.app.goo.gl/HiRqhN7K5sRqYjGg9
https://photos.app.goo.gl/FT1aDVdwURK3XMgq7
https://photos.app.goo.gl/mHes4aLYs9phyTbL6
https://photos.app.goo.gl/twXwT3QeaLFmYrgY9
https://photos.app.goo.gl/h9VnDw7h1JaCsBmq6
https://photos.app.goo.gl/BmsqcKfrBXX1Dned6
https://www.instagram.com/p/B5SvcGSIp0l/
https://www.instagram.com/p/B6LPCLGI4mJ/
