Додека Македонија го празнува Илинден, празнуваат и купувачите на Fiat Chrysler во Италија. На 2-ри и 3-ти август се случуваат мега попусти, кои достигнуваат 8.000 евра за Stelvio или 10.000 евра за Cherokee
Летно автомобилско расположение ни пристига од Fiat Chrysler, но само преку информацијата од Италија. На 2-ри и 3-ти август, додека Македонија го празнува Илинден, марките на итало-американскиот концерн одржуваат „маратон во попусти“. Слоганот е стокмен како што тоа умеат да го изведат само вештите пропагандисти во Торино: „Откажете ги летовите и отпатувајте на летен одмор со нов автомобил.“ Кој уште би одолеал на таква понуда.
„Maratona dei Prezzi” важи за сите модели на Jeep, Alfa Romeo, Fiat, Lancia и Abarth, според принципот плати-вози. Fiat Tipo поевтинува за 5.000 евра, Jeep Compass за осум илјади, додека Alfa Romeo Stelvio е поевтин речиси за една „панда“ – точно 8.000 евра.
Воопшто не е ситно испишан текстот дека се работи за ограничен број примероци, а тоа обично значи дека треба да се реагира колку е можно побрзо.
Маратонот на цените по марки:
Jeep
Jeep Renegade 5.000 евра
Jeep Compass 7.000 евра
Jeep Cherokee, Grand Cherokee, Wrangler 10.000 евра
Alfa Romeo
Mito 4,000 евра
Giulietta, Stelvio 8,000 евра
Giulia 9.000 евра
Fiat, Abarth, Lancia
Fiat Panda, Fiat 500 3.500 евра
Fiat 124 Spider, Qubo, 500X 4.000 евра
Punto, 500L, Tipo 5,000 евра
Doblò до 5,500 евра
Abarth 124 Spider 8.000 евра
Abarth 595 5.000 евра
Lancia Ypsilon 3.500 евра
