Сегашниот извршен директор Николас Мор ќе ја задржи позицијата до 31-ви мај. Натамошната функција на Французинот ќе биде потпретседател на групацијата Renault, раководител за регионот на Евроазија и потпретседател на советот на директори на Avtovaz.
Ив Каракацанис моментно е генерален директор на групацијата Renault во Романија, а воедно и прв човек на Dacia, најголема приватна компанија во земјата и една од најбрзо растечките марки во Европа. Пред да го преземе раководењето со бизнисот во Романија, Каракацанис бил заменик директор за Евроазија и директор во секторот за набавки во групацијата Renault. Тој почнува да работи во компанијата во 1992 година.
Русите очекуваат новиот шеф да продолжи со оптимизација на оперативните трошоци и на цените од добавувачите, како и на обновување на моделската понуда на Lada. Групацијата Renault ја поседува главнината од акциите во Rostek Auto BV, под чијашто контрола е Avtovaz. Во групацијата спаѓаат Renault, Dacia, Renault Samsung Motors, Alpine и Lаda.
Нови автомобили од Lada повторно се возат во Куба
Која е оваа Lada што сите ги остава вчудовидени?
Lada распали со новитети на салонот во Москва
Роден во Русија израснат во Луксембург: Електричен скутер Ujet
