Во септември во седиштето во Маранело ќе се одржи наддавање за олдтајмери од седумте децении историја на Ferrari. Неколку модели се проценети на повеќе од пет милиони евра, но кога е во прашање Ferrari, на наддавањето може лесно да се случи крајната цена неколкукратно да ја надмине проценетата вредност.
Уште еден месец преостанува до одржувањето на најголемото наддавање за историските модели на Ferrari, со коешто легендарната марка го заокружува прославувањето на седумдесетгодишнината. На 9-ти септември во седиштето на марката во Маранело ќе се најдат три дузини олдтајмери од сите декади.
Најголемата битка за преземање на сопствеништвото ќе се води за Ferrari 250 GT LWB California Spider со каросерија од Scaglietti и број на шасија 1503 GT. Колекционерите долго го исчекуваат овој автомобил од 1959 година, кој веќе две децении се наоѓа кај актуелниот сопственик и ретко се има појавувано пред јавноста. Аукциската куќа RM Sotheby’s го проценува автомобилот меѓу 7,5 и 9,5 милиони евра.
https://www.facebook.com/Ferrari/posts/10155387867946970
Повеќе од три децении се изминати откако Ferrari го претстави својот прв суперавтомобил 288 GTO. На наддавањето се појавува примерок од овој модел, со шасија број 57709, кој се смета за еден од најдобро сочуваните. Како 255-ти во серијата од 272 произведени примероци, 288 GTO е речиси во фабричка состојба. Сегашниот сопственик го има купено во 1993 година и оттогаш е гаражиран. Автомобилот има изминато само 729 километри. Вредноста се проценува меѓу 3,25 и 4 милиони евра.
Неколку од најзначајните модели на Ferrari за коишто ќе се наддава во септември:
Од 1950-те години
- 1950 Ferrari 195 Inter Coupé, број на шасија 0081 S (€1,100,000 – €1,500,000);
- 1953 Ferrari 250 Europa Coupé, број на шасија 0313 EU (€2,800,000 – €3,400,000);
- 1955 Ferrari 750 Monza, број на шасија 0534 M (€3,400,000 – €3,800,000);
- 1955 Ferrari 500 Superfast Series II, број на шасија 8897 SF (€1,600,000 – €2,300,000);
- 1958 Ferrari 250 GT Cabriolet Series I, број на шасија 0791 GT (€4,900,000 – €5,700,000).
Од 1960-те и 1970-те години
- 1960 Ferrari 250 GT Cabriolet Series II, број на шасија 1779 GT (€1,350,000 – €1,650,000);
- 1966 Ferrari 275 GTB Alloy, број на шасија 08111 (€2,400,000 – €2,800,000);
- 1967 Ferrari 330 GTS, број на шасија 09481 (€1,800,000 – €2,200,000);
- 1973 Ferrari Dino 246 GTS, број на шасија 07214 (€375,000 – €450,000).
Од 1980-те, 1990-те години и по 2000-та година
- 1989 Ferrari F40, број на шасија 83572 (€950,000 – €1,100,000);
- 1994 Ferrari 348 GT/C LM, број на шасија 97553 (€390,000 – €450,000);
- 1994 Ferrari 333 SP, број на шасија 006 (€2,800,000 – €3,300,000);
- 2004 Ferrari Enzo, број на шасија 136733 (€1,800,000 – €2,000,000);
- 2012 Ferrari 599 GTO, број на шасија 174698 (€425,000 – €500,000).
