Daimler работи на систем што самостојно ќе најде слободно место и ќе го паркира автомобилот во катните гаражи. Преку мобилна апликација, автомобилот потоа самостојно ќе се враќа до сопственикот.
Во блиска иднина автомобилите самостојно ќе си наоѓаа слободно место во катните каражи и преку мобилна апликација исто така самостојно ќе се враќаат до сопственикот. Тоа е целта на заедничкиот проект на Daimler, Bosch и мрежата за краткотрајно изнајмување автомобили car2go. Тоа ќе претставува револуција во паркирањето. Сопственикот нема да го паркира и да го бара автомобилот на паркинг, туку возилото самостојно ќе се упати до слободното место и на крајот комотно и самостојно ќе му се врати на сопственикот. Ова таканаречено автономно паркирање се овозможува преку катни гаражи со интелигентна инфраструктура и контролен уред од Bosch во возилото, вклучувајќи ја последната генерација на сензори на Mercedes и експертизата на car2go.
Автоматско паркирање пред автоматското возење
Автоматското паркирање ќе стане дел од автомобилите многу порано од автоматското возење, затоа што брзините на возење се пониски и инфраструктурата во катните гаражи го снабдува возилото со информации. Партнерите во проектот го замислуваат следново сценарио: Корисникот резервира автомобил од мрежата на car2go преку паметниот телефон. Кога корисникот ќе се приближи до локацијата кадешто е паркирано возилото за изнајмување, тоа излегува самостојно од гаражата и се упатува точно до местото кадешто чека корисникот. Враќањето на возилото функционира на истиот начин. Возачот само го остава возилото во зоната за преземање пред катната гаража и преку апликацијата на мобилниот телефон го упатува возилото назад во гаража. Инфраструктурата во гаражата го препознава возилото, го стартува и го враќа внатре.
Bosch е задолжен за техниката за инфраструктурата во катната гаража, во којашто се опфаќаат сензори за зафатеност на местата за паркирање, камери и комуникациска техника. Покрај тоа, од Bosch потекнува и комуникациската техника во возилото, којашто управува и со постапката на паркирање и дејствува како интерфејс со компонентите во возилото.
