за

Volkswagen уште произведува со струја од јаглен

volkswagen proizvodstvo energija

Најголемиот европски производител уште не прифаќа дека иднината им припаѓа на електричните автомобили, а се покажува дека и во самото производство повеќе ги сака старите времиња. Volkswagen дури сега најавува инвестиција од стотици милиони евра за замена на старите термоелекрани на јаглен со нови гасни електрани.

Доколку иднината на автомобилизмот зависеше од менаџерите на Volkswagen, под хаубата на идните генерации автомобили ќе работеа мотори што користат метан како погонско гориво. Во тој случај не би имало потреба од инвестиција во нови погони и нови технологии, бизнисот би цветал. Но, планот за „гасификација“ на автомобилите на Volkswagen тешко дека ќе успее. Порано или подоцна, повторно би следел некој „метан-скандал“.

Со новите турбини ќе се поштеди атмосферата од емисија на СО2 што 900.000 автомобили ја испуштаат за една година

Наспроти тоа, гасификацијата ќе се реализира во сопственото производство на електрична енергија во Volkswagen – со замена на старите термоелектрани на јаглен со нови гасни и парни електрани до 2021 година. Концернот ќе вложи 400 милиони евра за оваа „модернизација“ во фабриките во Волфсбург. Новите турбини ќе ја поштедат животната средина од 1,5 милион тони СО2 годишно. Тоа одговара на емисијата на стакленичкиот гас од околу 870.000 возила, за една година.

Новите гасни и парни турбини ќе располагаат со електрична моќност од 136 мегавати. Во соопштението од Volkswagen и натаму се спомнува метанот: „Во случај во иднина да се постигне економски исплатливо производство на синтетски метан, на пример со користење на постројки Power-to-Gas, можеме да постигнеме целосна неутралност во поглед на СО2.“

Volkswagen планира значително зголемување на уделот на електрични автомобили во вкупната продажба на возила до 2025 година.

Директор на Volkswagen потрошил милион евра за приватни летови

Калифорнија отвори еко-лабораторија од казните на Volkswagen

Како Британците пропуштија да ја присвојат „бубата“ на Volkswagen

Дизелот сé помалку интересен за возачите во Европа

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

BMW M8 Concept

Зошто скапите автомобили со моќни мотори се добри за електромобилноста

mazda vision coupe concept car year

Mazda Vision Coupe е концептен автомобил на годината