Светската продажба на хибридни возила на концернот Toyota достигна седум милиони примероци. Продажбата расте, за само девет месеци се испорачани милион возила.
Никогаш досега хибридните возила на Toyota не се продавале со побрза динамика отколку во последните девет месеци. Првпат јапонскиот концерн продаде милион возила со „две срца“ за толку кус период. Toyota на светскиот пазар нуди вкупно 27 модели со хибриден погон и еден хибриден модел со надворешно полнење на батериите. Во оваа и во следната година се планира во понудата да влезат уште 15 нови модели.
Јапонскиот производител наведува дека со седумте милиони хибридни возила од марките Toyota и Lexus се заштедени 18 милијарди литри бензин, односно Земјата е поштедена од 49 милиони тони јаглероден диоксид. Просечната еисија на СО2 на целата палета од хибридни модели на Toyota изнесува помалку од 90 грами на километар.
