Унгарија првпат избираше автомобил на годината. Во конуренција беа 39 модели, меѓу кои повеќето се од локална продукција или содржат компоненти од некој од бројните добавувачи во земјата. Suzuki S-Cross е „првиот избор“ на Унгарците.
Повеќето од производителите на автомобили во Унгарија и над половина од увозниците на автомобилските марки во земјата, учествуваа во првиот избор на автомобил на годината во земјата. За наградите се натпреваруваа 39 модели, во седум категории. За победниците во шест категории решаваше стручното жири, во седмата категорија гласот го имаше публиката.
Најмногу номинации пристигнаа од Suzuki Magyar, Porsche Hungaria и Opel Magyarország, кои воедно располагаат и со сопствени производствени капацитети во земјата. Петчленото жири, повикувајќи се на професионални критериуми, гласаше за Автомобил на годината произведен во Унгарија (или унгарски автомобил на годината), за Зелен автомобил на годината и за Автомобил на годината во Унгарија.
Автомобил на годината произведен во Унгарија: Suzuki SX4 S-Cross
Во оваа категорија беа номинирани моделите што Suzuki ги произведува во Естергом – Vitara и SX4 S-Cross, кои се воедно и единствени модели со хибриден погон што се произведуваат во Унгарија. Третиот кандидат беше Audi Q3, што се произведува во фабриката во Ѓер и оттаму се испорачува на светскиот пазар.
Номинирани автомобили: Audi Q3 (трето место), Suzuki Vitara (второ место), Suzuki SX4 S-Cross (победник)
Автомобил на годината во Унгарија: Renault Clio, Seat Arona, Toyota Camry
Во најбројната категорија учествуваа 24 модели, номинирани од унагрските увозници. Поради големи број пријави и разликите меѓу номинираните модели, организаторот реши да додели три награди за Автомобил на годината во Унгарија. Пет модели се натпреваруваа за почесна титула во категоријата на градски автомобили, десет во категоријата на семејни автомобили и девет во катеогоријата на СУВ-модели.
Renault Clio
Градски автомобили: Hyundai i10, Opel Corsa (второ место), Renault Clio (победник), Suzuki Ignis, Suzuki Swift (второ место)
Toyota Camry
Семејни автомобили: Alfa Romeo Giulia, BMW серија 3 (второ место), Fiat Tipo, Kia XCeed, Opel Astra, Peugeot 508 SW, Skoda Scala, Toyota Camry (победник), Toyota Corolla, Volkswagen Passat (трето место)
Seat Arona
СУВ-модели: BMW X5 (второ место), Citroen C5 Aircross (трето место), DS 3 Crossback, Nissan Juke, Opel Crossland X, Seat Arona (победник), Skoda Kodiaq RS, Suzuki Jimny, Toyota RAV4
Зелен автомобил на годината: Kia e-Niro, Opel Grandland X Hybrid4
Увозниците номiнираа дванаесет автомобили, кои го задоволија условот да испуштаат помалку од 50 грами СО2 на километар. Поради големиот број номинации, организаторите и во овој случај решија да доделат две награди. Посебно се избираше плагин-хибрид, посебно електричен автомобил.
Kia e-Niro
Електрични автомобили: Audi e-tron (второ место), Jaguar I-Pace, Kia e-Niro (победник), Mercedes-Benz EQC (сребрено место), Nissan Leaf, Opel Corsa-e, Peugeot e-208, Renault Zoe, Volkswagen ID.3
Opel Grandland X Hybrid4
Хибриди: BMW 530e (второ место), Mitsubishi Outlander PHEV (трето место), Opel Grandland X Hybrid4 (победник)
Награда од публиката: Kia XCeed
Јавното гласање започна на 5-ти јануари и заврши на полноќ на 1-ви март, за наградата на Автомобил на годината во Унгарија од публиката. Вкупно се регистрирани 5.953 единечни гласања. Повеќекратно гласање беше оневозможено, со што се исклучи можноста да се манипулира со изборот и да се наруши сериозноста на институцијата на избор на автомобил на годината.
Kia XCeed
Автомобил на годината од публиката: Kia XCeed (победник), Suzuki SX4 S-Cross (второ место), Kia e-Niro (трето место)
Добавувач на годината
На пет добавувачи со фабрики во земјата им беше доделена награда, како најдоверливи партнери за домашните и странските производители на автомобили:
– BOS, Mosonszolnok
– Continental, Budapest
– Joyson, Miskolc
– Rehau, Újhartyán
– SMR Automotive Mirrors, Mosonszolnok
За в година се најавуваат и нови категории во изборот за автомобил на годината во Унгарија.
