за

Suzuki GSX-8S стартува со продажба во Македонија

Новиот модел што имаше деби заедно со Suzuki V-Strom 800 го пополнува просторот меѓу евергринот SV650 и GSX-S1000. Цената на GSX-8S на македонскиот пазар е 10.990 евра.

Suzuki во еден замав ја освежува и дополнува својата понуда од мотоцикли во средната класа. Една од главните новини за годинава, покрај патничкото ендуро V-Strom 800DE, е уличниот GSX-8S.

Развојот на новиот Suzuki GSX-8S се раководеше според барањата на корисниците. За да се задоволат најразличните барања беа извршени оптимирања во сите подрачја. Резултатот е најдобар баланс во средната класа, односно мотоцикл што подеднакво е погоден и за почетници и за искусни мотоциклисти. Со едноставно програмирање, моќноста на новиот GSX-8S може да се смали на 35 киловати, односно 48 коњски сили.

Моторот на GSX-8S е новоконструиран паралелен-твин со зафатнина од 776 сантиметри кубни и патентирана технологија „Suzuki Cross Balancer“. Моќноста изнесува 61kW (83 КС), вртежниот момент е солиден со 78 Nm. Една од главните одлики на моторот е рамномерното ослободување на моќноста, што се должи на ексцентарот од 270 степени на коленaстото вратило. Моторот се однесува исто како прочуениот V-двоцилиндарец во SV 650. Новиот издувен систем ја исполнува нормата Euro 5 и се одликува со мошне кус придушувачки лонец.

Нова челична рамка во комбинација со подесливо подвозје KYB се грижи за лесна управливост, висок комфор и одлична стабилност. Техничкиот пакет е заокружен со „пливачки“ сопирачки дискови од 310 милиметри, нова алуминиумска задна вилушка, волан од алуминиум и резервоар од 14 литри, со којшто може да се смета на досег до 330 километри.

Во поглед на електрониката, новиот GSX-8S располага со познатиот систем
S.I.R.S. (Suzuki Intelligent Ride System). Тој се состои од избирач на режим на возење, контрола на тракција со три степени, Ride-By-Wire, Easy-Start-System,
Low-RPM-Assist и двонасочен Quick-Shifter. Возачот во секое време има преглед за вклучените опции на TFT-дисплејот од 5 инчи во боја.

New item by Automedia MK / Google Photos

Свежиот дизајн на новиот нејкед-бајк се води околу вертикално поставените диодни светла. Во маската јасно се забележуваат диодните позициски светла. Деловите од минималниот оклоп се одликуваат со остри линии, со што се нагласува компактниот и јасен дизајн на новиот GSX-8S. Мошне се впечаливи натписите 8S.

New item by Automedia MK / Google Photos

Suzuki го испорачува GSX-8S во три бои, космички сина, бисерно бела и металик мат црна, во комбинација со сјајно црна боја.

Првпат во понуда од прибор се наоѓаат странични куфери, но и компоненти со висок квалитет од Gilles, како и најрзлични стилски додатоци.

Во ценовникот на македонскиот увозник на Suzuki, новиот најкед-бајк чини 10.990 евра.

New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Европскиот Парламент гласаше, нема нови возила со мотор по 2035

Три модели на Kia се финалисти во изборот за Светски Автомобил