за

Кампери масовно си заминуваат од Шпанија

Кампери масовно си заминуваат од Шпанија
Кампери масовно си заминуваат од Шпанија

Илјадници возила за кампување ја напуштаат Шпанија поради вирусот корона. Сите автоплацеви во земјата се затвораат.

Воведувањето на нови заштитни мерки во Шпанија против корона-пандемијата буквално протера илјадници љубители на кампувањето од земјата. Туристи од Германија, Холандија, Франција, Британија и од Швајцарија, по традиција ја минуваат зимата под сонцето на Иберискиот Полуостров. Повеќето уживаат во своите пензионерски години. Но, овој рај под сонцето, мора да се напушти итно.

На 26-ти март се затвораат сите сместувачки капацитети во земјата. Причина за тоа е прогласувањето вонредна состојба поради вирусот корона. Со државен декрет се затвора секаков вид туристички објекти, од хотели, до викендички и одморалишта, до автоплацеви. Нови гости не се примаат уште од 18-ти март.

Но, како и обично, полесно е да се каже, отколку да се направи. Заминувањето на камперите воопшто не е едноставно, затоа што повеќето од нив се организирани за повеќемесечен престој. Тие имаат направено цели градини, опремени со мебел, а честопати во „возниот“ парк поседуваат и глисери, скутери, велосипед за секого. Не е лесно кога сето тоа треба да се спакува одеднаш и луѓе на возраст над 65 години треба да се организираат за патување долго неколку илјади километри.

Притоа мора да се почитуваат и правилата на однесување во кризата. Патниците смеат да ги напуштаат возилата само по еден, а исто така е пропишано и само по едно лице да влегува во супермаркетите или на станиците за точење гориво. Мора да се почитува и одржување растојание од два метри. Тоалетите најчесто се затворени, за да се спречи ширење на заразата.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Доставните комбиња на Volkswagen не знаат за пауза во време на криза

Доставните комбиња на Volkswagen не знаат за пауза во време на криза

Volvo ја проширува понудата од модели со благ хибриден погон

Volvo ја проширува понудата од модели со благ хибриден погон