Од утрово во 6.00 часот повторно се произведува во трите фабрики на Skoda во Чешка. По консултациите со работничкиот синдикат беше договорено да се врати производството на автомобили и компоненти во фабриките во Млада Болеслав, Квасини и Врхлаби.
Skoda го запре производството во домашните фабрики на 18-ти март, заради спречување на ширењето на вирусот. По 39 денови од привременото затворање на фабриките, од денес повторно се работи во чешките фабрики.
Меѓу обемните мерки за хигиена и заштита е пропишано носење заштитни маски, одржување доволно растојание, избегнување на ракување, редовно миење на рацете и „внимателно“ кашлање и кивање. Покрај тоа, на влезот во фабриките се мери телесната температурата по случаен избор.
Skoda го информира својот персонал за заштитните мерки во сите фабрики во Чешка, преку флаери и брошури, како и преку различни дигитални канали. Раководителите и шефовите дополнително ги упатуваат своите тимови за безбедносните мерки што се преземени во одредени подрачја кои се специфични за секој тим.