за

Автобусите на Setra достасаа и до Нова Каледонија

setra нова каледонија
setra нова каледонија

Компанијата за автобуски превоз Carsud од Нова Каледонија првпат доби автобуси од специјалистот Setra во својот возен парк. Станува збор за 24 нископодни автобуси од типот S 416 LE.

Заедно со двете дузини од овој автобус што е докажан на светската сцена, од концернот Daimler кадешто припаѓа Setra се испорачани и 12 примероци од Sprinter City 35. Градските автобуси и микробусите на база на Sprinter ќе сообраќаат редовно на приградските линии до главниот град Нумеја, на најголемиот остров Гранде Тере.

Нова Каледонија е француска територија во Тихиот Океан, чијашто привреда главно се базира врз туризам, но и експлоатација на никел. Оваа група острови се наоѓа на околу 1.500 километри источно од Австралија.

New photo by Automedia MK / Google Photos

На приградските линии на компанијата Carsud дневно се превезуваат повеќе од 9.000 патници. Возниот парк на компанијата досега се состоеше од вкупно 50 возила. Новите автобуси од Setra се опремени со УСБ-приклучоци, пристап до безжична мрежа и систем за информирање на патниците.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Американската Tuatara со 1774 КС ќе се произведе во сто примероци

Американската Tuatara со 1774 КС ќе се произведе во сто примероци

Lexus ES 300h дигитални ретровизори

Lexus ES 300h добива дигитални ретровизори