за

Дилерите на Mercedes најзадоволни на германскиот пазар според Schwacke

schwacke, монитор на задоволство на дилерите

Mercedes доби најдобра оцена во истражувањето што Schwacke го спроведува секоја година меѓу дилерите на автомобили во Германија. Во таканаречениот Schwacke монитор, марката со сребрената ѕвезда доби води пред BMW и Audi.

Дилерите на Mercedes дадоа најдобри оцени за својата марка во последното истражување за задоволството на германските дилери што го спроведува познатиот Schwacke. Со просечна оцена 1,94 (1 најдобра, 6 најслаба оцена), во категоријата на премиум-марки, швабите постигнаа значаен напредок во споредба со минатата година и ја зголемија разликата во однос на конкурентските марки BMW (2,32) и Audi (2,46). Кај големоволуменските марки годинава води Ford со оцена (2,54), пред ланскиот победник Volkswagen (2,57).

Ако задоволството на дилерите се пренесува на купувачите …

Меѓу увозните марки, најмногу напредуваше Toyota. Јапонскиот производител се искачи за две места и сега го држи првото место со просечна оцена 2,25. Со голем заостаток следи Skoda. Во категоријата на „мали увозници“, третпат во низа победува Volvo. Со крајна оцена 2,23, германските договорни партнери на Volvo се уште позадоволни отколку лани, кога исто така беше постигнат голем напредок.

Schwacke – монитор: Од сите марки во Германија, единствено дилерите на Fiat се незадоволни

Кај маловолуменските марки води Porsche. Победник во „истрајност“ е Mitsubishi. Во оваа категорија се наградува постојаниот напредок во подолг временски период.

Schwacke ги анкетира дилерите на автомобилските марки во Германија за задоволството од нивната соработка со производителите на возила и увозниците. Основа за најголемата студија за задоволството на дилерите на светско ниво е анкетата на околу 1.000 дилери, во периодот од мај до август годинава.

Schwacke – монитор опфаќа анкетирање на задоволството на автомобилските дилери во Германија во повеќе критериуми: Производ и марка, продажна политика, постпродажба, трговија со користени возила, мрежна политика и општа соработка.

Германска големо-волумен.
марка

Германска премиум
марка

Големи
увозни
марки

Мали
увозни
марки

Ниско-волумен. марки

Задоволни дилери

Mercedes 1,94

BMW 2,32

Audi 2,46

Toyota 2,25

Skoda 2,42

Volvo 2,23

Mitsubishi 2,31

Mazda 2,39

Porsche 1,98

Smart 2,20

Mini 2,29

Индиферен-тни дилери

Ford 2,54

VW 2,57

Opel 2,63

Seat 2,60

Hyundai 2,73

Renault 2,74

Nissan 2,77

Subaru 2,57

Dacia 2,62

Kia 2,64

Peugeot 2,75

Suzuki 2,77

Citroen 2,83

Honda 2,87

SsangYong 2,88

Jaguar Land Rover 2,62

Незадово-
лни дилери

Fiat 3,01

1 = најдобра оцена, 6 = најслаба оцена

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

suzuki swift edno od deset

Едно на секои десет малечки возила во светот е Suzuki

турција автомобили anadol stc 16

Турција повторно ќе произведува сопствен автомобил